بٸلٸمدٸلەر بەسەكەسٸنە 582 وقۋشى قاتىستى. قاتىسۋشىلاردىڭ 285-ٸ جاراتىلىستانۋ-ماتەماتيكالىق, 297-سٸ قوعامدىق-گۋمانيتارلىق باعىت بويىنشا سىناق تاپسىرادى.
ايتا كەتەيٸك, اتالمىش وليمپيادا الماتى قالاسىنداعى ش.سماعۇلوۆ اتىنداعى فيزيكا-ماتەماتيكالىق مامانداندىرىلعان ليتسەي-ينتەرنات بازاسىندا 13-18 اقپان كٷندەرٸ ٶتەدٸ.
جاۋاپتىلاردىڭ سٶزٸنە سٷيەنسەك, 12-18 اقپان ارالىعىندا شالعاي جاتقان ۇيعىر, كەگەن, رايىمبەك, بالقاش اۋداندارىنان كەلگەن وقۋشىلار ينتەرناتتا تۇرىپ, ەمتيحانعا قاتىسسا, قالعان 5 اۋدان مەن 1 قالانىڭ وقۋشىلارى كٷندەلٸكتٸ كەستە بويىنشا جول-پوليتسييا قىزمەتكەرلەرٸنٸڭ قاداعالاۋىمەن تاسىمالداناتىن بولادى.
– ٶتكەن اپتادا وليمپيادانىڭ اۋداندىق كەزەڭٸ ٶتتٸ. وعان جالپى سانى 6 مىڭعا جۋىق وقۋشى قاتىستى, سونىڭ ٸشٸندە ەڭ ٷزدٸك 582 بالا وبلىستىق كەزەڭگە جولداما الدى. وليمپيادا «ەل ٷمٸتٸ» پلاتفورماسى ارقىلى ەلەكتروندى تٷردە ٶتەدٸ. بٸلٸمدٸلەر بەسەكەسٸنە قويىلعان تالاپ قاتاڭ. مۇندا بارلىق ەرەكەتتەر, بەينەباقىلاۋ جٷيەسٸنە جازىلىپ, وتىرادى. قازٸرگٸ كەزدە اكادەمييالىق ادالدىقتى ساقتاۋ ٷشٸن يۋتۋب ارقىلى تٸكەلەي كٶرسەتٸلٸم جٷرٸپ جاتىر. تالاپتاردى بۇزىپ, قولدانۋعا تىيىم سالىنعان زاتتاردى كٸرگٸزگەن وقۋشىنىڭ تەستٸلەۋ نەتيجەسٸ جويىلادى, – دەدٸ «جاس دارىن» ورتالىعىنىڭ ديرەكتورى ديانا تەتەنقىزى.
ەستەرٸڭٸزگە سالامىز, قاتىسۋشىلار تەست نەتيجەلەرٸنە كەلٸسپەگەن جاعدايدا 15-ٸ جەنە 18-ٸ اقپان كٷندەرٸ اپەللياتسييالىق شاعىم تٷسٸرە الادى.
جاۋاپتىلاردىڭ ايتۋىنشا, وليمپيادا شارتىنا سەيكەس, وليمپيادادا باق سىناعان وقۋشىلاردىڭ 45%-ى جەڭٸمپاز اتانۋى تيٸس.
نەگٸزگٸ, جەڭٸمپازداردى ماراپاتتاۋ سالتاناتى 21 اقپاندا جامبىل اۋدانى, ۇزىناعاش اۋىلىنداعى مەدەنيەت ٷيٸندە ٶتەدٸ, ماراپاتتاۋعا 300-گە جۋىق وقۋشى قاتىسادى دەپ كٷتٸلۋدە.
