Bilimdiler básekesine 582 oqýshy qatysty. Qatysýshylardyń 285-i jaratylystaný-matematikalyq, 297-si qoǵamdyq-gýmanitarlyq baǵyt boiynsha synaq tapsyrady.
Aita keteiik, atalmysh olimpiada Almaty qalasyndaǵy Sh.Smaǵulov atyndaǵy fizika-matematikalyq mamandandyrylǵan litsei-internat bazasynda 13-18 aqpan kúnderi ótedi.
Jaýaptylardyń sózine súiensek, 12-18 aqpan aralyǵynda shalǵai jatqan Uiǵyr, Kegen, Raiymbek, Balqash aýdandarynan kelgen oqýshylar internatta turyp, emtihanǵa qatyssa, qalǵan 5 aýdan men 1 qalanyń oqýshylary kúndelikti keste boiynsha jol-politsiia qyzmetkerleriniń qadaǵalaýymen tasymaldanatyn bolady.
– Ótken aptada olimpiadanyń aýdandyq kezeńi ótti. Oǵan jalpy sany 6 myńǵa jýyq oqýshy qatysty, sonyń ishinde eń úzdik 582 bala oblystyq kezeńge joldama aldy. Olimpiada «El úmiti» platformasy arqyly elektrondy túrde ótedi. Bilimdiler básekesine qoiylǵan talap qatań. Munda barlyq áreketter, beinebaqylaý júiesine jazylyp, otyrady. Qazirgi kezde akademiialyq adaldyqty saqtaý úshin iýtýb arqyly tikelei kórsetilim júrip jatyr. Talaptardy buzyp, qoldanýǵa tyiym salynǵan zattardy kirgizgen oqýshynyń testileý nátijesi joiylady, – dedi «Jas daryn» ortalyǵynyń direktory Diana Tetenqyzy.
Esterińizge salamyz, qatysýshylar test nátijelerine kelispegen jaǵdaida 15-i jáne 18-i aqpan kúnderi apelliatsiialyq shaǵym túsire alady.
Jaýaptylardyń aitýynsha, olimpiada shartyna sáikes, olimpiadada baq synaǵan oqýshylardyń 45%-y jeńimpaz atanýy tiis.
Negizgi, jeńimpazdardy marapattaý saltanaty 21 aqpanda Jambyl aýdany, Uzynaǵash aýylyndaǵy mádeniet úiinde ótedi, marapattaýǵa 300-ge jýyq oqýshy qatysady dep kútilýde.
