الماتى وبلىسىنداعى كەمەرتوعان اۋىلىنىڭ ينفراقۇرىلىمىن جاڭعىرتۋعا 4,8 ملرد تەڭگە قاجەت, دەپ حابارلايدى Dalanews.kz.
الماتى قالاسىنا ٸرگەلەس ورنالاسقان قاراساي اۋدانىنا قاراستى كەمەرتوعان اۋىلىندا اۋىزسۋ تاپشىلىعى جىلدار بويى شەشٸمٸن تاپپاي كەلەدٸ. 20 مىڭعا جۋىق تۇرعىنى بار ەلدٸ مەكەندە ورتالىقتاندىرىلعان سۋ جٷيەسٸ بار بولعانىمەن, تەحنيكالىق جاعدايى سىن كٶتەرمەيدٸ. قۇبىرلارداعى قىسىم تىم ەلسٸز. كەيبٸر كٶشەلەرگە مٷلدە سۋ جەتپەيدٸ. تۇرعىندار تٸرشٸلٸككە قاجەتتٸ سۋدى تٷنگٸ ۋاقىتتا ىدىسپەن جيناپ, كٷندەلٸكتٸ شارۋالارىن سوعان بەيٸمدەۋگە مەجبٷر.
«قالا ٸرگەسٸندە وتىرساق تا, سۋدى شەلەكتەپ تاسيمىز. كٶبٸمٸز قۇدىقتان ٸشەمٸز. جەردەن 13–14 مەتر تەرەڭدٸكتەن الىنعان سۋدىڭ ساپاسى ناشار. تۇنباسى, يٸسٸ بار. مۇنداي سۋدى ٸشۋ تٷگٸلٸ, كٸر جۋۋعا دا كەلمەيدٸ. قۇبىر تارتىلعانىمەن, قىسىم جوق. سۋ تەك تٷندە سىزدىقتاپ اعادى. قازٸر اۋىلدىڭ تەك 20 پايىزى عانا ورتالىقتاندىرىلعان سۋمەن قامتىلعان. بٸز قاسكەلەڭ توپتىق سۋ قۇبىرى جوباسىنا دا كٸرمەيمٸز. قازٸر سۋدى «BeyAzhTrans» جشس مەن «تاۋسامالى-قىزمەت» مكك جەتكٸزٸپ وتىر. بٸراق ولاردىڭ ۇڭعىمالارى ەلسٸز ەرٸ توزعان. وسى مەسەلەنٸ شىنداپ كٶتەرۋ ٷشٸن AMANAT پارتيياسىنىڭ مەجٸلٸس دەپۋتاتتارىن ارنايى شاقىرتتىق. ولار كەلٸپ, حالىقتىڭ جاعدايىن كٶرٸپ وتىر», – دەيدٸ اۋىل تۇرعىنى, ارداگەر ەگٸنبەك ەگەۋبەكوۆ.
تۇرعىنداردىڭ ايتۋىنشا, مەسەلە تەك سۋمەن قامتۋدا ەمەس, ونىڭ ساپاسىندا دا. راۋشان جۇماتاەۆا ەسٸمدٸ تۇرعىننىڭ سٶزٸنشە, كٶپتەگەن جەكە سكۆاجينالار رۇقساتسىز قازىلىپ, سانيتارلىق تالاپتار ساقتالماعان.
«بۇل سۋدىڭ ساپاسى ٶتە ناشار. تەحنيكالار بۇزىلادى. باتارەيالار بٸتەلٸپ, مٷلدە جارامسىز بولىپ قالدى. ەڭ باستىسى – بۇل تۇرعىنداردىڭ دەنساۋلىعىنا قاۋٸپ تٶندٸرەدٸ. وسى مەسەلەنٸ بٸرنەشە رەت مەجٸلٸستە كٶتەردٸك. ەندٸ جوبانى قارجىلاندىرۋ قاجەت. قۇجاتتار دايىن, ساراپتامادان ٶتتٸ. 600 ملن تەڭگە جەرگٸلٸكتٸ دەڭگەيدە قاراستىرىلعان. بٸراق قالعان قاراجات رەسپۋبليكالىق بيۋدجەتتەن بٶلٸنبەسە, بۇل مەسەلە تاعى ۇزاققا سوزىلىپ كەتۋٸ مٷمكٸن», – دەدٸ ول.
مەسەلەنٸ كٶزبەن كٶرٸپ, تۇرعىندارمەن اشىق فورماتتا پٸكٸرلەسۋ ٷشٸن قر پارلامەنتٸ مەجٸلٸسٸنٸڭ دەپۋتاتتارى ماكسيم روجين مەن دانييار قاسقاراۋوۆ كەمەرتوعانعا ارنايى كەلدٸ.
دەپۋتات ماكسيم روجيننٸڭ ايتۋىنشا, بۇل مەسەلە بٸر جارىم جىل بۇرىن قاسكەلەڭدەگٸ قوعامدىق قابىلداۋدا العاش رەت كٶتەرٸلگەن. سول جولى 20-دان استام تٷيتكٸل تٸركەلٸپ, سونىڭ كٶبٸ شەشٸمٸن تاپقان. ال قازٸر كەمەرتوعان ٷشٸن ەڭ ٶزەكتٸ مەسەلە – تازا اۋىزسۋعا قول جەتكٸزۋ.
«قازٸر اۋىلدا 4500-دەن استام ٷي ورتالىق سۋ جٷيەسٸنە قوسىلماعان. تۇرعىندار ەرتٷرلٸ تاريفپەن, ساپاسى كٷمەن تۋدىراتىن جەكە ۇڭعىمالاردان سۋ تۇتىنىپ وتىر. قاجەتتٸ قۇجاتتار مەن جەر تەلٸمٸ دايىن. ەندٸ باستى ماقسات – رەسپۋبليكالىق بيۋدجەتتەن قارجى تارتۋ. بۇل مەسەلە ٷكٸمەت قاراۋىنا ۇسىنىلدى. پرەمەر-مينيستر تاراپىنان باقىلاۋعا الىندى. بيۋدجەت ناقتىلانعاندا قارجى بٶلٸنۋٸ تيٸس. بۇل مەسەلە «AMANAT» پارتيياسىنىڭ تٸكەلەي باقىلاۋىندا. پارتييانىڭ «حالىقپەن بٸرگە!» سايلاۋالدى باعدارلاماسىندا ينفراقۇرىلىمدى جاڭعىرتۋ نەگٸزگٸ باسىمدىقتاردىڭ بٸرٸ رەتٸندە بەلگٸلەنگەن», – دەدٸ مەجٸلٸس دەپۋتاتى ماكسيم روجين.
ونىڭ مەلٸمەتٸنشە, جوبالىق-سمەتالىق قۇجاتتاما اياسىندا جالپى ۇزىندىعى 184,8 شاقىرىم بولاتىن سۋ قۇبىرى, ەكٸ رەزەرۆۋار, ٷش ناسوس ستانتسيياسى, ديزەل گەنەراتورى جەنە ترانسفورماتورلىق قوسالقى ستانتسييا سالۋ جوسپارلانعان. قۇرىلىس اياقتالعان جاعدايدا 20 مىڭعا جۋىق تۇرعىن ساپالى اۋىزسۋمەن قامتىلاتىن بولادى.
ايتا كەتەيٸك, قاراساي اۋدانىندا وسىعان ۇقساس جوبالار كەزەڭ-كەزەڭٸمەن جٷزەگە اسىپ كەلەدٸ. قازٸرگٸ تاڭدا جاڭاتۇرمىس پەن قاراتٶبە اۋىلدارىندا سۋ جٷيەسٸنٸڭ قۇرىلىسى جٷرٸپ جاتىر. ەلتاي, جارمۇحامبەت, شالقار جەنە قايرات اۋىلدارىندا دا جۇمىستار باستالعان. بۇل جوبالارعا 1,7 ملرد تەڭگە بٶلٸنگەن.
