الماتى وبلىسىندا گاز تاسىمالداۋ جۇيەسىن كەڭەيتۋگە 12 ملرد تەڭگەدەن استام قارجى سۇرالدى، دەپ حابارلايدى Dalanews.kz.

ەنەرگەتيكا جانە سۋمەن جابدىقتاۋ باسقارماسىنىڭ بيۋدجەت جوباسىنا سايكەس، «گاز تاسىمالداۋ جۇيەسىن دامىتۋ» باعدارلاماسىنا بولىنەتىن قاراجات مىناداي:

• 2024 جىل – 2 024 مىڭ تەڭگە؛

• 2025 جىل – 2 025 مىڭ تەڭگە؛

• 2026 جىل – 12 073 132 مىڭ تەڭگە؛

• 2027 جىل – قاراجات قاراستىرىلماعان؛

• 2028 جىل – قاراجات قاراستىرىلماعان.

جالپى سوماسى – 12 ملرد 77 ملن 181 مىڭ تەڭگە.

جوبادا بۇل قارجى كوممۋنالدىق سالاداعى ينجەنەرلىك ينفراقۇرىلىمدى جاقسارتۋعا باعىتتالاتىنى ايتىلعان.

ماقسات – حالىقتى سەنىمدى، ءقاۋىپسىز ءارى ەكولوگيالىق تازا وتىنمەن قامتاماسىز ەتۋ، گاز جۇيەلەرىنىڭ تۇراقتى جۇمىسىن قولداۋ.

قۇجاتتا كورسەتىلگەن مىندەتتەر قاتارىندا جاڭا نىسانداردى پايدالانۋعا بەرۋ، قاجەتتى قۇجاتتاردى راسىمدەۋ جانە گازبەن جابدىقتاۋ نىساندارىنا ءقاۋىپسىز تەحنيكالىق قىزمەت كورسەتۋ بار.