الماتى قالاسى اۋەزوۆ اۋدانىندا ياسساۋي كوشەسىنىڭ ءبىر بولىگىندە كولىك قوزعالىسى ۋاقىتشا شەكتەلەدى،- دەپ حابارلايدى Dalanews.kz
ساين – شالياپين – ياسساۋي – جاندوسوۆ كوشەلەرى شەڭبەرىندە سۋ قۇبىرى جانە كارىز جەلىلەرىن تارتۋ جۇمىستارىنىڭ باستالۋىنا بايلانىستى 2025 جىلعى 23 ماۋسىم مەن 30 تامىز ارالىعىندا ياسساۋي كوشەسىندە اۆتوكولىك قوزعالىسى كەزەڭ-كەزەڭىمەن شەكتەلەدى:
1-كەزەڭ – جاندوسوۆ كوشەسىنەن ستەپنايا كوشەسىنە دەيىن: 2025 جىلعى 23 ماۋسىم – 8 شىلدە؛
2-كەزەڭ – ستەپنايا كوشەسىنەن تايبۋرىل كوشەسىنە دەيىن: 8 شىلدە – 21 شىلدە؛
3-كەزەڭ – تايبۋرىل كوشەسىنەن ياسساۋي كوشەسى، 13ا مەكەنجايىنا دەيىن: 21 شىلدە – 10 تامىز؛
4-كەزەڭ – ياسساۋي كوشەسى، 13ا مەكەنجايىنان شالياپين كوشەسىنە دەيىن: 10 تامىز – 31 تامىز.
ينجەنەرلىك جەلىلەردى توسەۋ جۇمىستارى تىعىز تاستى توپىراقتىڭ بولۋىنا بايلانىستى اشىق ادىسپەن جۇرگىزىلەدى. بۇل كولدەنەڭ باعىتتا بۇرعىلاۋ ءادىسىن (كبب) قولدانۋعا مۇمكىندىك بەرمەيدى.
اتالعان ۋچاسكەدە كەلەسى جۇمىستار جوسپارلانعان:
•سۋ قۇبىرى جەلىسى – 1 200 م؛
•كارىز جەلىسى – 800 م.
قالا اكىمدىگى تۇرعىندار مەن اۆتوكولىك جۇرگىزۋشىلەرىنەن ۋاقىتشا شەكتەۋلەرگە تۇسىنىستىكپەن قاراپ، قوزعالىس باعىتىن الدىن الا جوسپارلاۋدى جانە ۋاقىتشا جول بەلگىلەرىنىڭ تالاپتارىن قاتاڭ ساقتاۋدى سۇرايدى.
