ەۆگەنيي پاكتىڭ ايتۋىنشا, جىلۋ كٶزدەرٸنٸڭ, گاز جەلٸلەرٸنٸڭ, قازاندىقتاردىڭ قولجەتٸمدٸلٸگٸ 100% قۇرايدى. جىلىتۋ ماۋسىمىنا 8257 تۇرعىن ٷي, 443 بٸلٸم بەرۋ جەنە 91 دەنساۋلىق ساقتاۋ وبەكتٸلەرٸ دايىن.
– جىلىتۋ ماۋسىمىنا دايىندىق مامىر ايىندا باستالدى. گيدراۆليكالىق سىناقتار جٷرگٸزٸلدٸ, نەتيجەسٸندە 626 زاقىم انىقتالدى جەنە جويىلدى. 82 قازاندىقتا جٶندەۋ جۇمىستارى جٷرگٸزٸلدٸ, قازاندىقتاردى اۋىستىرۋمەن تەحنولوگييالىق جەنە قوسالقى جابدىقتار جٶندەلدٸ, گاز جابدىقتارى اۋىستىرىلدى. بيىل ناۋرىزباي اۋدانىنداعى ۆوكزال قازاندىعىن, سونداي-اق «پرەمەرا» قازاندىعىن قايتا جاڭارتۋ باستالدى, – دەدٸ ەنەرگوتيٸمدٸلٸك جەنە ينفراقۇرىلىمدىق دامۋ باسقارماسىنىڭ باسشىسى 2021-2022 جىلدارداعى قىس مەزگٸلٸنە دايىندىق تۋرالى.
سونىمەن قاتار, ەۆگەنيي پاك 82 قالالىق قازاندىقتاردا جەنە جىلۋ كٶزدەرٸندە, تۇراقتى تٷردە, تٶرت اۋىسىمدا جەدەل پەرسونال تەۋلٸك بويى كەزەكشٸلٸك ەتەتٸنٸن ايتتى. اپات كەزٸندە 13 جەدەل جەنە جٶندەۋ بريگاداسى جۇمىس ٸستەيدٸ. سونداي-اق, 229 مىڭ توننا كٶمٸر مەن 23,4 مىڭ توننا مازۋتتىڭ اپاتتىق رەزەرۆٸ جيناقتالدى.
بارلىعى الماتىدا تٷركسٸب پەن جەتٸسۋ اۋداندارىندا حالىققا ارنالعان 8 كٶمٸر بازاسى بار, الدىن الا 90 مىڭ توننا كٶمٸر قورىن جيناۋ جوسپارلانعان. بٷگٸندە 27 مىڭ توننا قور جينالدى, تاعى 3,5 مىڭى جولدا.
سٶزٸن جالعاستىرعان ەۆگەنيي پاك ەلەكتر جەنە گاز جەلٸلەرٸنٸڭ دايىندىعى تۋرالى ايتتى. ونىڭ ايتۋىنشا, الماتىدا ەلەكتر جەلٸسٸنٸڭ ۇزىندىعى 8,5 مىڭ شاقىرىمدى قۇرايدى. ولاردىڭ دايىندىعى 100%. «الاتاۋ جارىق كومپانيياسى» اق 871 شاقىرىم ەلەكتر جەلٸلەرٸندە جٶندەۋ جۇمىستارىن جٷرگٸزدٸ. ٶز كەزەگٸندە, الماتىداعى «قازترانسگاز ايماق» اق 4746 شاقىرىم گاز جەلٸلەرٸن باسقارادى, ولار دا سۋىق اۋا رايىنىڭ باستالۋىنا تولىق دايىن.
ەۆگەنيي پاك سونىمەن قاتار الماتى قالاسىنداعى ٷيلەردٸڭ 94,5%-ى جىلۋدى ەسەپكە الاتىن قوندىرعىلارعا قوسىلعانىن, قالعاندارى كازارما تيپٸندەگٸ ٷيلەر ەكەنٸن نەمەسە اپاتتى ٷيلەرگە تيەسٸلٸ ەكەنٸن ايتتى.
باسقارما باسشىسى اۋا تەمپەراتۋراسى الماتىلىقتار ٷشٸن ىڭعايسىز دەڭگەيگە تٷسكەندە جىلۋ جەلٸلەرٸ جىلۋدى باستاۋعا دايىن ەكەنٸن ايتتى.
