Evgenii Paktyń aitýynsha, jylý kózderiniń, gaz jelileriniń, qazandyqtardyń qoljetimdiligi 100% quraidy. Jylytý maýsymyna 8257 turǵyn úi, 443 bilim berý jáne 91 densaýlyq saqtaý obektileri daiyn.
– Jylytý maýsymyna daiyndyq mamyr aiynda bastaldy. Gidravlikalyq synaqtar júrgizildi, nátijesinde 626 zaqym anyqtaldy jáne joiyldy. 82 qazandyqta jóndeý jumystary júrgizildi, qazandyqtardy aýystyrýmen tehnologiialyq jáne qosalqy jabdyqtar jóndeldi, gaz jabdyqtary aýystyryldy. Biyl Naýryzbai aýdanyndaǵy Vokzal qazandyǵyn, sondai-aq «Premera» qazandyǵyn qaita jańartý bastaldy, – dedi Energotiimdilik jáne infraqurylymdyq damý basqarmasynyń basshysy 2021-2022 jyldardaǵy qys mezgiline daiyndyq týraly.
Sonymen qatar, Evgenii Pak 82 qalalyq qazandyqtarda jáne jylý kózderinde, turaqty túrde, tórt aýysymda jedel personal táýlik boiy kezekshilik etetinin aitty. Apat kezinde 13 jedel jáne jóndeý brigadasy jumys isteidi. Sondai-aq, 229 myń tonna kómir men 23,4 myń tonna mazýttyń apattyq rezervi jinaqtaldy.
Barlyǵy Almatyda Túrksib pen Jetisý aýdandarynda halyqqa arnalǵan 8 kómir bazasy bar, aldyn ala 90 myń tonna kómir qoryn jinaý josparlanǵan. Búginde 27 myń tonna qor jinaldy, taǵy 3,5 myńy jolda.
Sózin jalǵastyrǵan Evgenii Pak elektr jáne gaz jelileriniń daiyndyǵy týraly aitty. Onyń aitýynsha, Almatyda elektr jelisiniń uzyndyǵy 8,5 myń shaqyrymdy quraidy. Olardyń daiyndyǵy 100%. «Alataý Jaryq Kompaniiasy» AQ 871 shaqyrym elektr jelilerinde jóndeý jumystaryn júrgizdi. Óz kezeginde, Almatydaǵy «QazTransGaz Aimaq» AQ 4746 shaqyrym gaz jelilerin basqarady, olar da sýyq aýa raiynyń bastalýyna tolyq daiyn.
Evgenii Pak sonymen qatar Almaty qalasyndaǵy úilerdiń 94,5%-y jylýdy esepke alatyn qondyrǵylarǵa qosylǵanyn, qalǵandary kazarma tipindegi úiler ekenin nemese apatty úilerge tiesili ekenin aitty.
Basqarma basshysy aýa temperatýrasy almatylyqtar úshin yńǵaisyz deńgeige túskende jylý jelileri jylýdy bastaýǵa daiyn ekenin aitty.
