الماتى اۋەجايىندا ادامدى كەپىلگە العان قاسكوي بۇعان دەيىن اۆتوبۋستا ايەل ادامدى سوققىعا جىققان، دەپ حابارلايدى Dalanews.kz Ulysmedia.kz-كە سىلتەپ.
بىلتىر كۇدىكتى ەر ادام الماتىدا اۆتوبۋستا ايەل ادامعا تاپ بەرىپ، ونى سوققىعا جىققان. الماتى قالالىق پوليسيا دەپارتامەنتى ەكى ىسكە دە ءبىر ادامنىڭ قاتىسى بار ەكەنىن راستادى.
- بۇعان دەيىن كۇدىكتى قوعامدىق كولىكتەگى وقيعادان كەيىن المالى اۋداندىق پب-نا قاراستى پوليسيا ءبولىمى قىلمىستىق ءىس قوزعادى. كۇدىكتى ۇستالىپ، ۋاقىتشا ۇستاۋ يزولياتورىنا قامالعان بولاتىن. سوت تەرگەۋ بارىسىندا بۇلتارتپاۋ شاراسى رەتىندە ءۇيقاماققا الۋ شاراسىن تاڭدادى، دەيدى پد وكىلدەرى.
سوتقا دەيىنگى تەرگەۋ اياقتالعاننان كەيىن قىلمىستىق ءىس ماتەريالدارى سوتقا جولداندى. وتكەن جىلدىڭ جەلتوقسان ايىندا سوت ەر ادامدى ءبىر جىلعا باس بوستاندىعىن شەكتەۋ جازاسىنا كەسكەن.
ەسكە سالايىق، بۇعان دەيىن الماتىدا ەر ادام اۋەجاي قىزمەتكەرىن كەپىلگە العانىن جازعان ەدىك.
اۋەجاي وكىلدەرىنىڭ سوزىنشە، وقيعا بۇگىن، 7 ناۋرىزدا اۋەجايدىڭ ۇشۋ الدىنداعى تەكسەرۋ ايماعىندا بولعان.
ساعات 11:45 شاماسىندا ءوزىن جولاۋشى رەتىندە تانىستىرعان ەر ادام ىشكى تەرمينالداعى (ت1) رەيس الدىنداعى تەكسەرۋ ايماعىنا كەلگەن. الماتى حالىقارالىق اۋەجايىنىڭ اۆياسيالىق قاۋىپسىزدىك قىزمەتىنىڭ سكرينينگ قىزمەتكەرلەرى ەر ادامنان قۇجاتتارىن كورسەتۋدى سۇراعان، ءبىراق ەر ادام سكرينينگ وفيسەرىن شاشىنان ۇستاپ الىپ، پىشاقپەن قورقىتا باستاعان.
7 مينۋتتان كەيىن اۋەجايدىڭ جەلىلىك پوليسيا ءبولىمىنىڭ (LPD) قىزمەتكەرلەرى جانە الماتى حالىقارالىق اۋەجايىنىڭ اۆياسيالىق قاۋىپسىزدىك قىزمەتكەرلەرى ەر ادامنىڭ پىشاعىن تارتىپ العان.
قازىرگى ۋاقىتتا ەر ادام پوليسيا بولىمىندە، قۇقىق قورعاۋ قىزمەتكەرلەرى وقيعانىڭ ءمان-جايىن انىقتاپ جاتىر.
