Almaty áýejaiynda adamdy kepilge alǵan qaskói buǵan deiin avtobýsta áiel adamdy soqqyǵa jyqqan, dep habarlaidy Dalanews.kz Ulysmedia.kz-ke siltep.
Byltyr kúdikti er adam Almatyda avtobýsta áiel adamǵa tap berip, ony soqqyǵa jyqqan. Almaty qalalyq politsiia departamenti eki iske de bir adamnyń qatysy bar ekenin rastady.
- Buǵan deiin kúdikti qoǵamdyq kóliktegi oqiǵadan keiin Almaly aýdandyq PB-na qarasty politsiia bólimi qylmystyq is qozǵady. Kúdikti ustalyp, ýaqytsha ustaý izoliatoryna qamalǵan bolatyn. Sot tergeý barysynda bultartpaý sharasy retinde úiqamaqqa alý sharasyn tańdady, deidi PD ókilderi.
Sotqa deiingi tergeý aiaqtalǵannan keiin qylmystyq is materialdary sotqa joldandy. Ótken jyldyń jeltoqsan aiynda sot er adamdy bir jylǵa bas bostandyǵyn shekteý jazasyna kesken.
Eske salaiyq, buǵan deiin Almatyda er adam áýejai qyzmetkerin kepilge alǵanyn jazǵan edik.
Áýejai ókilderiniń sózinshe, oqiǵa búgin, 7 naýryzda áýejaidyń ushý aldyndaǵy tekserý aimaǵynda bolǵan.
Saǵat 11:45 shamasynda ózin jolaýshy retinde tanystyrǵan er adam ishki terminaldaǵy (T1) reis aldyndaǵy tekserý aimaǵyna kelgen. Almaty halyqaralyq áýejaiynyń aviatsiialyq qaýipsizdik qyzmetiniń skrining qyzmetkerleri er adamnan qujattaryn kórsetýdi suraǵan, biraq er adam skrining ofitserin shashynan ustap alyp, pyshaqpen qorqyta bastaǵan.
7 minýttan keiin áýejaidyń jelilik politsiia bóliminiń (LPD) qyzmetkerleri jáne Almaty halyqaralyq áýejaiynyń aviatsiialyq qaýipsizdik qyzmetkerleri er adamnyń pyshaǵyn tartyp alǵan.
Qazirgi ýaqytta er adam politsiia bóliminde, quqyq qorǵaý qyzmetkerleri oqiǵanyń mán-jaiyn anyqtap jatyr.
