Mercer حالىقارالىق كونسالتينگتىك كومپانياسى جىل سايىن ءومىر سۇرۋگە ەڭ قولايلى قالالاردىڭ رەيتينگىن (Quality of life city ranking) جاريالاۋدى داستۇرگە اينالدىرعان.
اتالعان رەيتينگتەگى دۇنيەجۇزىندەگى قالالار كەلەسى كورسەتكىشتەر بويىنشا باعالانىپ رەيتينگ تۇزەدى. ولار – الەۋمەتتىك ورتانىڭ ساپاسى، مادەني ءومىر، ساياسي تۇراقتىلىق دەڭگەيى، ءبىلىم دەڭگەيى، كولىكتىڭ قولجەتىمدىلىگى، بيزنەس ءۇشىن تارتىمدىلىق.
Mercer اگەنتتىگى الەمدەگى ەڭ تانىمال 200-دەن استام قالانىڭ ءومىر ءسۇرۋ ساپاسىن باعالايدى. بۇل رەيتينگكە قازاقستان قالالارىنىڭ ىشىنەن تەك الماتى عانا ەنىپ وتىر. ول الەمدەگى 231 قالانىڭ ىشىندە 177-ورىندا.
سونداي-اق الەمنىڭ 172 قالاسىنىڭ ءومىر ءسۇرۋ جانە قىزمەت كورسەتۋ ساپاسىن باعالايتىن «Economist intelligence unit» رەيتينگىندە الماتى 100 ۇپايدان 65،3 ۇپاي جيناعان.
وسىلايشا الماتى قالاسى تۇراقتى دامۋ جاعىنان – 75 بالل، دەنساۋلىق ساقتاۋ – 66،7 بالل، مادەنيەت جانە ەكولوگيا – 57،6 بالل، ءبىلىم – 66،7 بالل، ينفراقۇرىلىم – 60،7 بالل جيناپ، ۇزدىك قالالاردىڭ توبىنا ىلىكتى. رەيتينگ اۆتورلارى اتاپ وتكەندەي، بۇل وتە جاقسى ناتيجە.
