الماتى قالاسىنىڭ ەكٸمٸ دارحان ساتىبالدى جەتٸسۋ اۋدانىندا بٸرقاتار ٶزەكتٸ مەسەلە تالقىلانعان جۇمىس جيىنىن ٶتكٸزدٸ. كەڭەسكە اۋدان ەكٸمدٸگٸ, سالالىق باسقارمالار, كوممۋنالدىق قىزمەتتەر مەن تيٸستٸ مەكەمەلەردٸڭ ٶكٸلدەرٸ قاتىستى.
كٷن تەرتٸبٸندەگٸ باستى مەسەلەلەردٸڭ بٸرٸ سولتٷستٸك اينالما جول بويىنداعى رۇقساتسىز ساۋدا ورىندارى بولدى. اتاپ ايتقاندا, وسى جول مەن جۇماباەۆ كٶشەسٸنٸڭ بويىنان بەيبەرەكەت ساۋدا نٷكتەلەرٸ كٶپتەپ انىقتالعان. اۋداندىق پوليتسييا ٶكٸلدەرٸنٸڭ مەلٸمەتٸنشە, بيىل جىل باسىنان بەرٸ وسى فاكتٸ بويىنشا 756 ەكٸمشٸلٸك حاتتاما تولتىرىلىپ, جالپى سوماسى 4 ميلليون تەڭگە كٶلەمٸندە ايىپپۇل سالىنعان. بۇل باعىتتاعى رەيدتٸك شارالار جالعاسىپ كەلەدٸ.
جيىن بارىسىندا بازار اۋماقتارىنداعى ٶرت قاۋٸپسٸزدٸگٸ دە جەكە قارالدى. 2022 جىلدىڭ قاراشاسىنان بەرٸ بۇل اۋماقتا بٸرنەشە ٶرت وقيعاسى تٸركەلگەن. وعان ەلەكتر سىمدارىنىڭ قىسقا تۇيىقتالۋى, العاشقى ٶرت سٶندٸرۋ قۇرالدارىنىڭ بولماۋى جەنە قاساقانا ٶرت قويۋ سەبەپ بولعان. قالالىق تٶتەنشە جاعدايلار دەپارتامەنتٸنٸڭ ٶكٸلدەرٸ نىسان يەلەرٸنە ەسكەرتۋ ٷنەمٸ تابىستالاتىنىن, ال زاڭبۇزۋشىلىقتار بويىنشا ماتەريالدار سوتقا جولداناتىنىن حابارلادى.
«ەگەر جاعداي ٶزگەرمەي, نەتيجە شىقپاسا, وندا بۇدان دا قاتاڭ شارالار قابىلدانۋعا تيٸس», – دەدٸ الماتى ەكٸمٸ تجد ٶكٸلدەرٸنە قاراتا سٶيلەگەن سٶزٸندە.
كەڭەستە ينجەنەرلٸك جەلٸلەردٸڭ قۇرىلىسى, ولاردى كوممۋنالدىق مەنشٸككە ٶتكٸزۋ, جول جٶندەۋ جۇمىستارى, سونداي-اق «حالىق قاتىساتىن بيۋدجەت» باعدارلاماسى اياسىندا جٷزەگە اسىرىلىپ جاتقان جوبالاردىڭ ساپاسى سٶز بولدى. سونىمەن قاتار, جەتٸسۋ اۋدانىنداعى دەنساۋلىق ساقتاۋ جەنە بٸلٸم بەرۋ مەكەمەلەرٸنٸڭ جاي-كٷيٸ تالقىلاندى.
«ەڭ باستىسى, جارىق, سۋ, گاز سەكٸلدٸ ەر ادام كٷندەلٸكتٸ تۇتىناتىن نەگٸزگٸ قاجەتتٸلٸكتەردەن ەشكٸم تاپشىلىق كٶرمەۋٸ كەرەك. سوندىقتان بٸردە-بٸر جوبا سوزىلىپ كەتپەۋگە تيٸس. ەگەر بٸر ٸستٸ قولعا الساڭىزدار, سوڭىنا دەيٸن جەتكٸزٸڭٸزدەر. بارلىق جوبا 1 قىركٷيەككە دەيٸن اياقتالۋى قاجەت», – دەدٸ دارحان ساتىبالدى.
الماتى ەكٸمٸ جيىن اياسىندا جەتٸسۋ اۋدانىنىڭ تۇرعىندارىن قابىلداپ, ولاردى تولعاندىرعان تٷيتكٸلدەردٸ تىڭدادى. اتاپ ايتقاندا, تۇرعىن ٷي قورىن جاڭعىرتۋ, جەر تەلٸمٸنە جەنە ۋسسۋرييسكايا كٶشەسٸندەگٸ جەكە سەكتوردى ورتالىق كەرٸز جٷيەسٸنە قوسۋ جايى تالقىلاندى. ەربٸر ٶتٸنٸش بويىنشا ناقتى جاۋاپ بەرٸلٸپ, شەشۋ جولدارى مەن ورىندالۋ مەرزٸمٸ بەلگٸلەندٸ.
