الماتى ەكٸمٸ سپورت نىساندارىنىڭ قۇرىلىس بارىسىمەن تانىسقان كەزدە ولاردىڭ ماتەريالدىق-تەحنيكالىق جابدىقتالۋىنا جەنە تۇرعىندار ٷشٸن قولجەتٸمدٸ بولۋىنا ەرەكشە نازار اۋداردى.
بۇقارالىق سپورتتى دامىتۋ جەنە مەگاپوليستە كەسٸبي سپورت كوماندالارىن دايىنداۋ ماقساتىندا سپورتتىق ينفراقۇرىلىم بەلسەندٸ تٷردە جاڭارتىلىپ, نىعايتىلۋدا.
ورتالىق مەدەنيەت جەنە دەمالىس ساياباعىندا الماتى ۆەلوسپورت فەدەراتسيياسىنىڭ قارجىسى ەسەبٸنەن سپورتتىڭ وسى تٷرٸن تانىمال ەتۋ ماقساتىندا ۆەلوترەكتٸڭ ينفراقۇرىلىمى مودەرنيزاتسييالانۋدا.
جٶندەۋ بارىسىندا جولدىڭ بەتٸ ٶزگەرەدٸ, ۆەلوترەكتٸڭ اۋماعىنداعى BMX جولى دا جاڭارتىلادى. جۇمىستى جىل سوڭىنا دەيٸن اياقتاۋ جوسپارلانۋدا.
مودەرنيزاتسييالانعان ۆەلوترەك بالالار مەن جاسٶسٸپٸرٸمدەردٸڭ جەنە كەسٸبي سپورتتىڭ دامۋىن جاڭا دەڭگەيگە كٶتەرەدٸ, Almaty Cycling Team قۇرلىقتىق ۆەلوكوماندانىڭ دايىندىعىن كٷشەيتەدٸ. سونىمەن قاتار, بارلىق حالىقارالىق تالاپتارعا ساي ۆەلوترەك مەگاپوليستە ٶتەتٸن جارىستاردىڭ كٷنتٸزبەسٸن كەڭەيتۋگە مٷمكٸندٸك بەرەدٸ.
مودەرنيزاتسييالانعان ۆەلوترەك جاستار مەن كەسٸبي سپورتتىڭ دامۋىن جاڭا دەڭگەيگە كٶتەرەدٸ. بۇل رەتتە بارلىق حالىقارالىق تالاپتارعا جاۋاپ بەرەتٸن ۆەلوترەك مەگاپوليستەگٸ جارىستار كٷنتٸزبەسٸن كەڭەيتۋگە مٷمكٸندٸك بەرەدٸ.
مۇندا سپورت زال دا قاراستىرىلعان. نىسان كٷزدە پايدالانۋعا بەرٸلەدٸ دەپ جوسپارلانۋدا.
بوستاندىق اۋدانىندا, گاگارين ساياباعىنىڭ سولتٷستٸگٸنە قاراي Champion جەكە قورىنىڭ قولداۋىمەن, قازٸرگٸ زامانعى سپورت كەشەنٸنٸڭ قۇرىلىسى باستالدى, وندا مٷمكٸندٸگٸ شەكتەۋلٸ ادامدار دا جاتتىعۋلار جاساي الادى. اياقتالۋى كەلەسٸ جىلعا جوسپارلانعان.
بٷگٸندە الماتىدا 3400-گە جۋىق سپورت نىسانى, ونىڭ ٸشٸندە 12 ستاديون, سپورت سارايى, 14 سپورت كەشەنٸ مەن 12 سپورت عيماراتى بار. سونىمەن قاتار مەگاپوليستە قۇراما كوماندالاردىڭ 5 جاتتىعۋ ورتالىعى, 3 شاڭعى بازاسى, 12 اتۋ تيرٸ, اتۋ الاڭى, ۆەلوترەك, سەكٸرۋ ترامپلينٸ, 6 حوككەي كورتى جەنە كونكيمەن جٷگٸرۋ ستاديونى بار. 2671 تەگٸس قۇرىلىمدار, 102 تەننيس كورتى, يپپودروم, 10 سپورت مانەجٸ, 51 باسسەين, 483 سپورت زالى, 12 كٸرٸكتٸرٸلگەن سپورت زالى بار.
الماتىداعى جابىق سپورت عيماراتتارىنىڭ جالپى الاڭى 81 503 شارشى مەتردٸ قۇرايدى. بيىل ولاردى جەرگٸلٸكتٸ بيۋدجەت ەسەبٸنەن كٶبەيتۋ ٷشٸن قالا شەتٸندە جالپى الاڭى 38 مىڭ شارشى مەتر بولاتىن 6 دەنە شىنىقتىرۋ-ساۋىقتىرۋ كەشەنٸ مەن تەننيس ورتالىعى سالىنادى. جالپى ٶتكٸزۋ قابٸلەتٸ تەۋلٸگٸنە 5 250 ادامدى قۇرايدى, سپورتتىق سەكتسييالار سانى – 150.
بيۋدجەتتەن تىس قارجى ەسەبٸنەن 6 جاڭا سپورت نىسانىن, ونىڭ ٸشٸندە دسك, ٷستەل تەننيسٸ ورتالىعىن, تەننيس ورتالىعىن, كٷرەس كەشەنٸن, «سۇڭقار» حشتك-دا گيمناستيكا زالى مەن سپورت كەشەنٸن سالۋ جوسپارلانۋدا. سپورتتىڭ 15 تٷرٸنەن 70-تەن استام سپورت سەكتسييالارى اشىلاتىن بولادى.
جۇمىس ساپارىنىڭ سوڭىندا باقىتجان ساعىنتاەۆ دۋمان شاعىن اۋدانىنداعى جولداردى كٷردەلٸ جٶندەۋ جۇمىستارىنىڭ بارىسىمەن تانىستى. ۇزىندىعى 13,4 شاقىرىم بولاتىن 29 كٶشەدەگٸ كٷردەلٸ جٶندەۋ جۇمىستارى اياقتالدى, اسفالتبەتون جامىلعىسى تٶسەلٸپ, ارىق جەلٸلەرٸ مەن تروتۋارلار جاسالدى. ۇزىندىعى 14 شاقىرىم بولاتىن قالعان 24 كٶشەگە اسفالت تٶسەۋ جۇمىستارى جٷرگٸزٸلۋدە, اياقتالۋى كٷزگە جوسپارلانعان.
