Almaty ákimi sport nysandarynyń qurylys barysymen tanysqan kezde olardyń materıaldyq-tehnıkalyq jabdyqtalýyna jáne turǵyndar úshin qoljetimdi bolýyna erekshe nazar aýdardy.
Buqaralyq sportty damytý jáne megapolıste kásibı sport komandalaryn daıyndaý maqsatynda sporttyq ınfraqurylym belsendi túrde jańartylyp, nyǵaıtylýda.
Ortalyq mádenıet jáne demalys saıabaǵynda Almaty velosport federasıasynyń qarjysy esebinen sporttyń osy túrin tanymal etý maqsatynda velotrektiń ınfraqurylymy modernızasıalanýda.
Jóndeý barysynda joldyń beti ózgeredi, velotrektiń aýmaǵyndaǵy BMX joly da jańartylady. Jumysty jyl sońyna deıin aıaqtaý josparlanýda.
Modernızasıalanǵan velotrek balalar men jasósipirimderdiń jáne kásibı sporttyń damýyn jańa deńgeıge kóteredi, Almaty Cycling Team qurlyqtyq velokomandanyń daıyndyǵyn kúsheıtedi. Sonymen qatar, barlyq halyqaralyq talaptarǵa saı velotrek megapolıste ótetin jarystardyń kúntizbesin keńeıtýge múmkindik beredi.
Modernızasıalanǵan velotrek jastar men kásibı sporttyń damýyn jańa deńgeıge kóteredi. Bul rette barlyq halyqaralyq talaptarǵa jaýap beretin velotrek megapolıstegi jarystar kúntizbesin keńeıtýge múmkindik beredi.
Baqytjan Saǵyntaev beıimdeý-jattyǵý ortalyǵy, sport zaly men jabyq baseın salynyp jatqan «Halyqaralyq shańǵy tramplınderi kesheni» II kezeńin iske qosý barysymen tanysty. Ámbebap jattyǵý zaly 580 orynǵa eseptelgen jáne kúres, fýtbol, voleıbol, basketbol jáne basqa sport túrlerine arnalǵan. 6 jolaqty alańy 25 te 16 shaqyrym bolatyn jabyq júzý baseıni jartylaı olımpıadalyq qashyqtyqqa eseptelgen.
Munda sport zal da qarastyrylǵan. Nysan kúzde paıdalanýǵa beriledi dep josparlanýda.
Bostandyq aýdanynda, Gagarın saıabaǵynyń soltústigine qaraı Champion jeke qorynyń qoldaýymen, qazirgi zamanǵy sport kesheniniń qurylysy bastaldy, onda múmkindigi shekteýli adamdar da jattyǵýlar jasaı alady. Aıaqtalýy kelesi jylǵa josparlanǵan.
Búginde Almatyda 3400-ge jýyq sport nysany, onyń ishinde 12 stadıon, sport saraıy, 14 sport kesheni men 12 sport ǵımaraty bar. Sonymen qatar megapolıste qurama komandalardyń 5 jattyǵý ortalyǵy, 3 shańǵy bazasy, 12 atý tıri, atý alańy, velotrek, sekirý tramplıni, 6 hokeı korty jáne kónkımen júgirý stadıony bar. 2671 tegis qurylymdar, 102 tenıs korty, ıpodrom, 10 sport maneji, 51 baseın, 483 sport zaly, 12 kiriktirilgen sport zaly bar.
Almatydaǵy jabyq sport ǵımarattarynyń jalpy alańy 81 503 sharshy metrdi quraıdy. Bıyl olardy jergilikti búdjet esebinen kóbeıtý úshin qala shetinde jalpy alańy 38 myń sharshy metr bolatyn 6 dene shynyqtyrý-saýyqtyrý kesheni men tenıs ortalyǵy salynady. Jalpy ótkizý qabileti táýligine 5 250 adamdy quraıdy, sporttyq seksıalar sany – 150.
Búdjetten tys qarjy esebinen 6 jańa sport nysanyn, onyń ishinde DSK, ústel tenısi ortalyǵyn, tenıs ortalyǵyn, kúres keshenin, «Suńqar» HSHTK-da gımnastıka zaly men sport keshenin salý josparlanýda. Sporttyń 15 túrinen 70-ten astam sport seksıalary ashylatyn bolady.
Jumys saparynyń sońynda Baqytjan Saǵyntaev Dýman shaǵyn aýdanyndaǵy joldardy kúrdeli jóndeý jumystarynyń barysymen tanysty. Uzyndyǵy 13,4 shaqyrym bolatyn 29 kóshedegi kúrdeli jóndeý jumystary aıaqtaldy, asfáltbeton jamylǵysy tóselip, aryq jelileri men trotýarlar jasaldy. Uzyndyǵy 14 shaqyrym bolatyn qalǵan 24 kóshege asfált tóseý jumystary júrgizilýde, aıaqtalýy kúzge josparlanǵan.
