الماتى قالاسى اكىمدىگى كوممۋنالدىق قىزمەت ءتاريفىنىڭ قىمباتتاۋىنا بايلانىستى حالىقتىڭ الەۋمەتتىك وسال ساناتىنا وتەماقى تولەۋدى جالعاستىرادى. بۇل تۋرالى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ ايتتى، – دەپ حابارلايدى Dalanews.kz.

– كوممۋنالدىق ينفراقۇرىلىمنىڭ ەسكىرۋىنە بايلانىستى ءتاريفتى كوتەرۋدىڭ قاجەتتىلىگى بار ەكەنىن تۇسىنەمىز، ءبىراق الماتى اكىمدىگى ءۇشىن حالىقتىڭ الەۋمەتتىك وسال ساناتتارىن قولداۋ ءارقاشان باستى نازاردا، – دەدى باۋىرجان جاۋباسوۆ وكق بريفينگىندە.

باسقارما باسشىسى 2023 جىلدىڭ شىلدەسىنەن باستاپ قالا اكىمىنىڭ باستاماسىمەن ازاماتتاردىڭ 9 وسال ساناتى ءۇشىن وتەماقى تولەمى ەسەبىنەن تكش قىزمەتىنىڭ قىمباتتاۋىنىڭ سالدارىن تەڭەستىرۋگە باعىتتالعان جوبانىڭ قولعا الىنعانىن اتادى.

ءبىر جىل ىشىندە 0،8 اەك مولشەرىندە اي سايىنعى الەۋمەتتىك تولەمدى 5،7 ملرد تەڭگە سوماسىنا 140 مىڭنان استام ءحاوت الدى.

– الداعى ۋاقىتتا كوممۋنالدىق قىزمەت باعاسىنىڭ وسۋىنە بايلانىستى الماتى قالاسى اكىمىنىڭ تاپسىرماسىمەن ءحاوت 9 ساناتىنا جاتاتىن كوممۋنالدىق قىزمەت باعاسىنىڭ وسۋىنە بايلانىستى الەۋمەتتىك كومەك تولەۋ جالعاسادى، – دەدى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى.

الماتى ءماسليحاتى شەشىمىنىڭ ءتيىستى جوباسى قاراستىرىپى جاتىر، بيىل قىركۇيەكتە بەكىتۋگە ەنگىزىلەدى. بۇل ەرەجە 2025 جىلدىڭ 1 ساۋىرىنە دەيىن قولدانىلادى.

قازىرگى تاڭدا الماتىدا وسى ساناتتاعى 332 885 ادام تۇرادى. الەۋمەتتىك تولەمدى الۋ ءۇشىن اتالعان ساناتقا تۇراقتى تىركەلۋى جانە الماتىدا تۇرعىلىقتى تىركەۋى بولۋى، قالا اكىمدىكتەرىنىڭ جۇمىسپەن قامتۋ جانە الەۋمەتتىك باعدارلامالار بولىمدەرىنە ءوتىنىش بەرۋى جانە سايكەستەندىرۋ ءۇشىن جەكە كۋالىك ۇسىنۋى قاجەت.

كومەكتىڭ بۇل ءتۇرىن راسىمدەگەندەرگە ءوتىنىش بەرۋدىڭ قاجەتى جوق.