الماتى مەنەدجمەنت ۋنيۆەرسيتەتىنىڭ ۇستازدارى مەن ستۋدەنتتەرى الماتىدا وتەتىن اۋقىمدى مارافونعا دايىندىعىن پىسىقتادى.
ناقتىراق ايتساق، اتالعان الاماندا 600-دەن استام ستۋدەنت جانە 80-گە جۋىق وقىتۋشىلار ب ا ق سىنايدى! AlmaU اتىنان مارافونعا بارلىعى 700 قاتىسۋشى تىركەلگەنىن ايتا كەتەلىك! بۇل قاتىسۋشىلارى سانى جونىنەن مارافونعا شىعاتىن ەڭ ۇلكەن ۋنيۆەرسيتەتتىك كوماندا بولادى.
وسى ارقىلى AlmaU ستۋدەنتتەرى وزدەرىنىڭ بۇقارالىق سپورتقا دەگەن قۇلشىنىستارىن پاش ەتپەك. ۋنيۆەرسيتەتتىڭ بەلسەندىلىگى ءوز كەزەگىندە سپورتپەن اينالىسۋعا ۇمتىلىپ جۇرگەن باسقا دا جاستارعا ۇلگى بولارى انىق.
ۋنيۆەرسيتەتتىڭ اتالعان مارافونعا بەلسەندىلىكپەن اتسالىسۋى ءسوزسىز، وزگە دە وقۋ ورىندارىن بۇقارالىق سپورتتى ۋنيۆەرسيتەتتىك دەڭگەيدە ناسيحاتتاۋعا سەبەپشى بولادى دەپ سەنەمىز.
«ءبىز ءوز تاراپىمىزدان وسى جارىسقا قاتىسا وتىرىپ وزگە دە وقۋ ورىندارىنا ۇندەۋ تاستاعىمىز كەلەدى. سىزدەر دە بىزدەن قالىسپاي وسىناۋ جارىسقا وزدەرىڭىزدىڭ ەڭ ۇزدىك سپورتشى جاستارىڭىزدى شىعاراسىزدار دەگەن سەنىمدەمىز. الايدا ءبىزدىڭ ماقساتىمىز بىرەۋدى باسىپ وزۋ ەمەس، وسىناۋ مارافونعا قاتىسا وتىرا – سپورتتىق جانە ۋنيۆەرسيتەتتىك ءومىردى جانداندىرۋ!»، - دەدى بۇل رەتتە AlmaU—دىڭ قارجى جانە كورپوراتيۆتى دامۋ جونىندەگى پرورەكتورى رۋسلان قوجاحمەتوۆ.
P.S. Alma University سوڭعى ءۇش جىل بويىنا الماتى مارافونىنا تۇراقتى قاتىسىپ كەلەدى. وسى جولعى جارىسقا قاتىسۋشىلاردىڭ سانى جاعىنان ۋنيۆەرسيتەت ەكىنشى ورىندا تۇر.
مايگۇل قوندىقازاقوۆا،
Alma University باسپا ءسوز قىزمەتى
ءىس-شارانىڭ بەينەروليگى:
https://www.youtube.com/watch؟v=ZciYFCU7czw&feature=youtu.be
