Almaty Menejment Ýnıversıtetiniń ustazdary men stýdentteri Almatyda ótetin aýqymdy marafonǵa daıyndyǵyn pysyqtady.
Naqtyraq aıtsaq, atalǵan alamanda 600-den astam stýdent jáne 80-ge jýyq oqytýshylar baq synaıdy! AlmaU atynan marafonǵa barlyǵy 700 qatysýshy tirkelgenin aıta ketelik! Bul qatysýshylary sany jóninen marafonǵa shyǵatyn eń úlken ýnıversıtettik komanda bolady.
Osy arqyly AlmaU stýdentteri ózderiniń buqaralyq sportqa degen qulshynystaryn pash etpek. Ýnıversıtettiń belsendiligi óz kezeginde sportpen aınalysýǵa umtylyp júrgen basqa da jastarǵa úlgi bolary anyq.
Ýnıversıtettiń atalǵan marafonǵa belsendilikpen atsalysýy sózsiz, ózge de oqý oryndaryn buqaralyq sportty ýnıversıtettik deńgeıde nasıhattaýǵa sebepshi bolady dep senemiz.
«Biz óz tarapymyzdan osy jarysqa qatysa otyryp ózge de oqý oryndaryna úndeý tastaǵymyz keledi. Sizder de bizden qalyspaı osynaý jarysqa ózderińizdiń eń úzdik sportshy jastaryńyzdy shyǵarasyzdar degen senimdemiz. Alaıda bizdiń maqsatymyz bireýdi basyp ozý emes, osynaý marafonǵa qatysa otyra – sporttyq jáne ýnıversıtettik ómirdi jandandyrý!», - dedi bul rette AlmaU—dyń qarjy jáne korporatıvti damý jónindegi prorektory Rýslan Qojahmetov.
P.S. Alma University sońǵy úsh jyl boıyna Almaty marafonyna turaqty qatysyp keledi. Osy jolǵy jarysqa qatysýshylardyń sany jaǵynan ýnıversıtet ekinshi orynda tur.
Maıgúl Qondyqazaqova,
Alma University baspasóz qyzmeti
İs-sharanyń beınerolıgi:
https://www.youtube.com/watch?v=ZciYFCU7czw&feature=youtu.be
