قاسىم-جومارت توقايەۆتىڭ ۇندەۋىنەن كەيىن وتاندىق Allur اۆتوكومپانياسى سۋ تاسقىنىنان زارداپ شەككەن قوستاناي وبلىسىنىڭ تۇرعىندارى ءۇشىن تۇرعىن ۇيلەردى قالپىنا كەلتىرۋ جانە سالۋعا قوسىمشا 3 ميلليارد تەڭگە ءبولدى.
اندرەي لاۆرەنتيەۆكە قاراستى كاسىپورىندار توبىنىڭ جالپى جارناسى وسىلايشا 3،5 ملرد تەڭگەنى قۇرادى. بۇعان دەيىن ونىڭ باقىلاۋىنداعى كومپانيالار «دەمەۋ قازاقستان قورى» كورپوراتيۆتىك قورىنا 500 ميلليون تەڭگە اۋدارعانىن ەسكە سالا كەتەيىك.
«بيزنەستىڭ الەۋمەتتىك جاۋاپكەرشىلىگىن سەزىنە وتىرىپ، ءبىزدىڭ كاسىپورىندار ءوز كومەگىن اياماۋدا. وتانداستارىمىزدىڭ قالىپتى ومىرگە تەزىرەك ورالاتىنىنا جانە اپاتتان كەيىن جاعدايدىڭ قالپىنا كەلەتىنىنە سەنەمىز»، - دەپ اتاپ ءوتتى، ALLUR توبى ۇجىمدىق ۇندەۋىندە.
«AگروماشحولدينگKZ» ونەركاسىپتىك كاسىپورنى ءوز كەزەگىندە قازاقستاندىق فەرمەرلەردى قولداۋ ماقساتىندا ءوز ونىمدەرىنىڭ باعاسىن تومەندەتۋگە شەشىم قابىلدادى.
سارانسكتە تۇرمىستىق تەحنيكا شىعاراتىن «SilkRoad Electronics» زاۋىتى قاراعاندى وبلىسى شەت اۋدانىنىڭ سۋ تاسقىنىنان زارداپ شەككەن تۇرعىندارىنا جاڭا تەلەديدارلار سىيعا تارتتى.
