– گاۋھار ليريكانى جاقسى كٶرەدٸ. ونىڭ سىرعا تولى, مۇڭعا تولى عاجايىپ ەندەرٸ تىڭداعان جاندى ەلٸتپەي قويمايدى. سەزٸمگە تولى سىرشىل ەندەر گاۋھاردىڭ قازاق ساحناسىنداعى ٶزٸندٸك ورنىن, ەن ەلەمٸندەگٸ ٶزٸندٸك مەنەرٸن قالىپتاستىردى. سوندىقتان, بٸز جەرلەستەرٸ, ەنشٸ قارىنداسىمىزبەن قاشاندا ماقتانامىز! – دەدٸ بەيسەنباي تاسبولاتۇلى.
ەنشٸ-سازگەر گاۋھار ەلٸمبەكوۆا 1971 جىلى ماقتاارال اۋدانىندا دٷنيەگە كەلگەن. ول گيتارادا ويناۋدى 9-سىنىپتا وقىپ جٷرگەندە ٷيرەنگەن. ەڭ العاش شىعارعان ەنٸ "ساعىنىش سازى" دەپ اتالادى. العاش رەت گاۋھار جاس سازگەرلەردٸڭ "ٷكٸلٸ ٷمٸت" بايقاۋىندا كٶزگە تٷسٸپ, يسرايل ساپارباي, سەكەن تۇرىسبەكوۆ, مۇرات قۇسايىنوۆ اعالارىنىڭ باتاسىن الدى.
ەنشٸنٸڭ رەپەرتۋارىنداعى ەندەردٸڭ بارلىعى دەرلٸك – ٶز تۋىندىلارى. ەل اراسىندا گاۋھاردىڭ "اق بوساعا", "كەلٸنگە ٶسيەت", "ورالشى, ماحاببات", "كٶكتەمگە حات", "پەرزەنت سىرى", "كٶكتەمگٸ جاڭبىر", "قىز سەزٸمٸ" سيياقتى ەندەرٸ ەرەكشە تانىمال. ەسٸرەسە, "اق بوساعا" مەن "كەلٸنگە ٶسيەت" كەز كەلگەن تويدا شىرقالار حيت ەنگە اينالدى. سونداي-اق, "ورالشى, ماحاببات" – باسقالاردان كەيٸنٸرەك جارىققا شىقسا دا, حالىققا بٸردەن تانىلعان ەرەكشە ەن.
ماقتارال اۋدانى ەكٸمٸنٸڭ باسپاسٶز قىزمەتٸ
