"قازاقتىڭ ماسەلەسى باستان اسادى. ونى سانامالاپ شىعۋ ءۇشىن ون ساۋساقتى تۇگەل بۇگۋگە تۋرا كەلەدى. اۋىل توزىپ بارىپ، قايدا بارساڭدا جۇمىسسىزدىق، قىسقارتۋ. ازىق-تۇلىكتىڭ باعاسى اسپانداپ تۇر. كوممۋنالدىق قىزمەت باعاسى دا ارزان ەمەس. انىعى، ءبارى قىمباتتاپ جاتىر.
الماتىدان 100 شاقىرىم سىرتقى شىقشى، مۇلدە بولەك الەم. جولدار سوناۋ 1945 جىلدان بەرى جوندەۋ كورمەگەن.
جاستار اراققا سالىنعان. ۇرلىق-قارلىق، قىلمىس كوبەيىپ بارادى. ەلدىڭ ءبارى اشتان قاتپاۋ ءۇشىن قالاعا قاشۋدا. ەندى كەلىپ ونسىز دا جان ساقتاي الماي وتىرعان جۇرت اۋىلدان قالاعا كەلگەنى ءۇشىن قالتاسىنان اقشا تولەۋ كەرەك پە؟ قۇداي تۇر عوي، ەگەر كىم دە كىم تىركەۋ تۋرالى ماسەلەمەن ۇيىمە كەلەر بولسا، سول ارادا جانىن ءجاھاننامعا جىبەرەم.
قازاقستان مۇناي، گاز، التىن، كۇمىس، ۋران، مىس، كومىر قورى بويىنشا الەمنىڭ الدىڭعى 5-تىگىنە كىرەدى. حالىق وسى بايلىقتىڭ قىزىعىن كورىپ وتىر ما؟ ال بيلىكتە ۇيات جوق. بۇدان كەيىن قاراپايىم حالىقتى تىركەۋى بولماعانى ءۇشىن ايىپپۇل سالىپ جازالاماقسىزدار ما؟
انىعىندا، "العا قازاقستان" دەپ ايعايلايتىندار پاتريوت ەمەس، حالقىنىڭ مۇڭ-مۇقتاجىن جان-تانىمەن سەزىنەتىن ادامدار پاتريوت. ەلىمىزدە شەشىمىن تاپپاعان قانشاما ماسەلە بار، ال بۇلار بولسا باسپاناسىز جۇرگەن قازاققا تىركەۋ تۋرالى زاڭدى ويلاپ تاۋىپتى".
