"Alǵa Qazaqstan" dep aiǵailaityndar patriot emes...
"Qazaqtyń máselesi bastan asady. Ony sanamalap shyǵý úshin on saýsaqty túgel búgýge týra keledi. Aýyl tozyp baryp, qaida barsańda jumyssyzdyq, qysqartý. Azyq-túliktiń baǵasy aspandap tur. Kommýnaldyq qyzmet baǵasy da arzan emes. Anyǵy, bári qymbattap jatyr.
Almatydan 100 shaqyrym syrtqy shyqshy, múlde bólek álem. Joldar sonaý 1945 jyldan beri jóndeý kórmegen.
Jastar araqqa salynǵan. Urlyq-qarlyq, qylmys kóbeiip barady. Eldiń bári ashtan qatpaý úshin qalaǵa qashýda. Endi kelip onsyz da jan saqtai almai otyrǵan jurt aýyldan qalaǵa kelgeni úshin qaltasynan aqsha tóleý kerek pe? Qudai tur ǵoi, eger kim de kim tirkeý týraly máselemen úiime keler bolsa, sol arada janyn jáhannamǵa jiberem.
Qazaqstan munai, gaz, altyn, kúmis, ýran, mys, kómir qory boiynsha álemniń aldyńǵy 5-tigine kiredi. Halyq osy bailyqtyń qyzyǵyn kórip otyr ma? Al bilikte uiat joq. Budan keiin qarapaiym halyqty tirkeýi bolmaǵany úshin aiyppul salyp jazalamaqsyzdar ma?
Anyǵynda, "Alǵa Qazaqstan" dep aiǵailaityndar patriot emes, halqynyń muń-muqtajyn jan-tánimen sezinetin adamdar patriot. Elimizde sheshimin tappaǵan qanshama másele bar, al bular bolsa baspanasyz júrgen qazaqqa tirkeý týraly zańdy oilap taýypty".
