"العا, قازاق جٸگٸتتەرٸ!" توبى استاناعا اتتاندى
بٷگٸن الماتىداعى بالۋان شولاق اتىنداعى سپورت كەشەنٸ الدىندا "ەكسپو-2017" كٶرمەسٸ اياسىندا استانادا ٶتەتٸن كەسٸپقوي بوكس كەشٸنە ارنايى بارىپ, ەلٸمٸزدٸڭ بىلعارى قولعاپ شەبەرلەرٸن قولداۋ ماقساتىندا 50-گە تارتا بەلسەندٸ جاستار ارنايى اۆتوكٶلٸكپەن اتتاندى. ۇراندارى - "العا قازاق, جٸگٸتتەرٸ!"
وسى شارانى ۇيىمداستىرۋشى قىدىرەلٸ ورازۇلىنىڭ ايتۋىنشا, قانات يسلام باستاعان ەل بوكسشىلارىنا قولداۋ بٸلدٸرٸپ, جاستاردى ۇيىمشىلدىققا, وتانسٷيگٸشتٸككە ٷندەۋ ماقساتىندا اۆتوكەرۋەن جولعا شىققان. ولار جول بويى ەلٸمٸزدٸڭ تاريحي نىساندارىنا توقتاپ, بۇل ساپاردان ەرەكشە ەستەلٸك قالدىرۋدى جوسپارلاپ وتىرعاندارىن ايتادى.
ەرتەڭ ساعات كەشكٸ 18.00-دە استانادا حالىقارالىق كەسٸپقوي بوكس جارىسى "سارىارقا" ۆەلوترەگٸندە ٶتەدٸ. وعان ەلٸمٸزگە تانىمال بوكسشىلار قاتىسادى.
كەشتٸڭ باستى جەكپە-جەگٸندە قانات يسلام كانادالىق برەندون كۋكپەن كٷش سىناسادى. سونداي-اق, وتاندىق باسىلىمنىڭ مەلٸمەتتەرٸنە سٷيەنسەك, استانادا ٶتەتٸن بوكس كەشٸندە جانقوش تۇراروۆ, جەنٸبەك ەلٸمحانۇلى, مەيٸرٸم نۇرسۇلتانوۆ, رۋسلان مىرساتاەۆ, ەلي احمەدوۆ, ايدوس ەربوسىنۇلى, ديمان نييازوۆ جەنە نۇرسۇلتان جاڭاباەۆ ٶنەر كٶرسەتەدٸ.
جاستار توبى بوكس كەشٸنەن سوڭ 10 قىركٷيەك كٷنٸ ٶتەتٸن "ەكسپو-2017" كٶرمەسٸنٸڭ جابىلۋ سالتاناتىنا دا قاتىسۋدى جوسپارلاپ وتىر.
