قازاقستاندىقتار جامبىل وبلىسىنداعى جانتٷرشٸگەرلٸك جول اپاتىنان كەيٸن تويوتا الفارد ماركالى اۆتوكٶلٸكتەرٸنە قارسى شىقتى, - دەپ حابارلايدى Dalanews.kz.
جەلٸ بەلسەندٸسٸ بەكايدار المۇحانوۆ قازاقستاندىقتاردى تويوتا الفارد كٶلٸكتەرٸنە مٸنبەۋگە شاقىردى.
"بٷكٸل جەرگە قاراساڭ وسى كٶلٸك. قازاقستاندا بۇدان باسقا كٶلٸك قالمادى ما? نەگە "الفارد" جٷرگٸزۋشٸلەرٸنٸڭ كٶپشٸلٸگٸ تاكسي? سٸزدەرگە ايتار اقىلىم, "الفارد" اۆتوكٶلٸكتەرٸنە مٸنبەڭٸزدەر. تٷندەگٸ سۇمدىق جاعدايدا كٶلٸكتٸڭ ٸشٸندەگٸ تٶرت ادام تٸرٸدەي جانىپ كەتتٸ, ەكٸ پوليتسييا قىزمەتكەرٸ قايتىس بولدى.
كٶلٸكتٸ تٸزگٸندەيتٸن بەسٸكتەن بەلٸ شىقپاعان جاس بالالار. فارالاردى «ٶلتٸرٸپ» جاعىپ, ىرجىڭ-تىرجىڭ ەتٸپ, تاسجولدا ٶزدەرٸنەن باسقا ادام جوق سيياقتى ەلٸرٸپ جٷرەدٸ. ٸشكٸ ٸستەر قىزمەتكەرلەرٸ ولاردىڭ زاڭعا قايشى ورناتىلعان فارالارىن الىپ تاستاۋى تيٸس. تاعى دا ايتا كەتەيٸن, ەۋروپا ەلدەرٸندە جٷك كٶلٸگٸ جٷرگٸزۋشٸلەرٸنە تاحوگراف (جٷرگٸزۋشٸلەردٸڭ قوزعالىسىن تٸركەۋگە ارنالعان مەحانيكالىق نەمەسە ەلەكتروندى باقىلاۋ قۇرالى) قويىلادى. تويوتا الفاردتارعا دا دەل وسىنداي قۇرىلعى قويۋ كەرەك, ولار اتالعان چيپ-كارتامەن زاڭدى بۇزباي ايداۋى تيٸس. ەر قالادان كەلگەن سايىن پوليتسييا قىزمەتكەرلەرٸ الفارد يەلەرٸن تەكسەرسٸن», - دەيدٸ بلوگەر.
بەكايدار المۇحانوۆ "الفارد" يەلەرٸنٸڭ كٶلٸكتٸ باسقارۋ تەحنيكاسى دۇرىس ەمەس ەكەنٸن ايتادى.
"كٶلٸكتٸڭ گازىن تٷبٸنە دەيٸن باسپاسا, الفارد دا جىن قۋعانداي جٷرمەس ەدٸ. كٶلٸكتٸ جايمەن, بايسالدى ايدايتىن جٷرگٸزۋشٸلەر دە بار. الايدا قازٸرگٸ كٷنٸ وسى كٶلٸكتٸ تٸزگٸندەگەندەردٸڭ دەنٸ جاس بالالار. وسى تۋراسىندا پوليتسييادان ماڭىزدى اقپارات الدىم. تويوتا الفاردتىڭ رٶلٸندە كٶبٸنە-كٶپ 2000 جىلداردىڭ باس كەزٸندە ٶمٸرگە كەلگەن بۋىن وتىر", - دەيدٸ بلوگەر.
جەلٸ قولدانۋشىلارى تٷرلٸ پٸكٸر جازعان. Dalanews جەلٸدەگٸ قاۋىمنىڭ پٸكٸرٸن قاز-قالپىندا ۇسىنادى:
"دۇرىس ايتاسىڭ, ەندٸ مٸنبەيمٸن تويوتا الفاردقا. كەشە شىمكەنتتەن الماتىعا كەلدٸم, 2 رەت كاماز-دىڭ ارتىنا كٸرٸپ كەتۋگە سەل قالدى, جاپ-جاس بالا, تەلەفوننان قولى بوسامادى, كەلگەنشە جانىمدى شٷبەرەككە تٷيٸپ كەلدٸم"
"جالپى تويوتا الفاردتىڭ جٷرۋٸنە زاڭمەن قاتاڭ تىي̆ىم سالۋ كەرەك. اي̆دىڭ, كٷننٸڭ امانىندا قىرىلىپ جاتىر قازاعىمىز. ۋتيلمەن ەمەس وسى تويوتا الفاردپەن الىسۋ كەرەك"
"تويوتا الفارد اي̆داي̆تىنداردى بٸر ورنىنا قوياتىن كەز كەلدٸ, بۇلار ەبدەن ەسٸرٸپ بٸتتٸ, كٷن دەمەي̆دٸ, تٷن دەمەي̆دٸ بٸر بٸرٸمەن جارىسىپ, 180 - 200 بەن جٷرەدٸ. فارالارى كٶزدٸ الادى, جولدا قىسىپ, فارىن مورگات ەتٸپ, تەك وبگون شىعادى. بۇلاردى توقتاتۋ كەرەك, بۇلارعا بٸر توقتاۋ قوياتىن كەلدٸ. ادامنىڭ ٶمٸرٸ ٶزٸنە قىمبات, مٷلدە مٸنبەڭدەر"
ەسكە سالايىق,جامبىل وبلىسى پوليتسييا دەپارتامەنتٸنٸڭ حابارلاۋىنشا, 17 تامىز كٷنٸ تٷنگٸ ساعات 01:00 شاماسىندا رەسپۋبليكالىق ماڭىزى بار مەركٸ-شۋ-بۋرىلبايتال تاس جولىنىڭ 34-شٸ شاقىرىمىندا, مەركٸ اۋدانىنا قاراستى تەتتٸ اۋىلىنىڭ ماڭىندا جول-كٶلٸك وقيعاسى بولعان. تoyota Alfard مينيۆەنٸ مەن Skoda-Octavia پوليتسييا كٶلٸگٸ بەتپە-بەت سوقتىعىسىپ, مينيۆەن ٶرتەنٸپ كەتكەن.
تويوتا الفارد كٶلٸگٸندە 8 جولاۋشى بولعان. ولاردىڭ تٶرتەۋٸ سول جەردە قازا بولىپ, ٷش جولاۋشى مەن جٷرگٸزۋشٸ ەرتٷرلٸ دەرەجەدەگٸ دەنە جاراقاتتارىمەن اۋداندىق ورتالىق اۋرۋحاناعا جاتقىزىلدى.
بۇل دەرەك بويىنشا قر قك 345-بابى 4-بٶلٸگٸمەن سوتقا دەيٸنگٸ تەرگەۋ باستالدى. پوليتسييا مۇقييات تەرگەۋ جٷرگٸزٸپ, وقيعانىڭ مەن-جايىن انىقتاۋ بويىنشا بارلىق قاجەتتٸ شارالاردى قابىلداۋدا.
