تٷركٸستان قالاسىنىڭ اۋدانارالىق سوتى ٶزٸن بلوگەر ەرٸ قوعامدىق بەلسەندٸ رەتٸندە تانىستىرعان ازاماتقا قاتىستى قىلمىستىق ٸستٸ قاراپ, ونى بوپسالاۋ بويىنشا كٸنەلٸ دەپ تانىدى, دەپ حابارلايدى dalanews.kz.
سوت ماتەريالدارىنا سەيكەس, ارىس اۋدانىندا دەرٸلٸك, تەحنيكالىق جەنە اۋىل شارۋاشىلىعى ٶسٸمدٸكتەرٸن ٶسٸرۋمەن, جيناۋمەن جەنە ەكسپورتتاۋمەن اينالىساتىن «سەيٸتبەك ەۋلەتٸ» جشس قىزمەتٸنە قاتىستى 2025 جىلدىڭ ماۋسىمىندا Facebook ەلەۋمەتتٸك جەلٸسٸندە جارييالانىمدار تاراتىلا باستاعان. ايىپتالۋشى كەسٸپورىندا جۇمىس ٸستەگەن شەتەل ازاماتتارىن ۆيدەوعا تٷسٸرٸپ, ولاردىڭ قىزمەتٸ تۋرالى تٷرلٸ ماتەريالدار جارييالاعان جەنە كٶشٸ-قون قىزمەتٸنە بٸرنەشە رەت شاعىم تٷسٸرگەن.
ٸس ماتەريالدارى بويىنشا, 2025 جىلدىڭ شٸلدەسٸندە سەرٸكتەستٸكتٸڭ زاڭگەرٸ رەتٸندە تانىستىرىلعان جەبٸرلەنۋشٸ جاعدايدى رەتتەۋ ماقساتىندا ايىپتالۋشىمەن كەزدەسٸپ, وعان دەمەۋشٸلٸك كٶمەك رەتٸندە 2 مىڭ اقش دوللارىن بەرگەن. الايدا سوت دەرەگٸنشە, بۇدان كەيٸن ايىپتالۋشى كەسٸپورىن جۇمىسىنا كەدەرگٸ كەلتٸرمەۋ ٷشٸن 5 ميلليون تەڭگە تالاپ ەتكەن.
تەرگەۋ مەلٸمەتٸنە سەيكەس, تالاپ ورىندالماعان جاعدايدا ول ەلەۋمەتتٸك جەلٸلەردە كەسٸپورىن قىزمەتٸنە قاتىستى جاعىمسىز قوعامدىق پٸكٸر قالىپتاستىرۋعا, مەملەكەتتٸك ورگاندار ارقىلى رۇقسات قۇجاتتارىنىڭ كٷشٸن جويۋعا جەنە سەرٸكتەستٸكتە جۇمىس ٸستەگەن ٶزبەكستان ازاماتتارىن ەلدەن شىعارتۋعا ىقپال ەتەتٸنٸن ايتقان.
كەسٸپورىن قىزمەتٸنٸڭ توقتاپ قالۋىنان قاۋٸپتەنگەن جەبٸرلەنۋشٸ تالاپپەن كەلٸسٸپ, 2025 جىلعى 12 تامىزدا تانىسى ارقىلى 500 مىڭ تەڭگە جەنە 900 اقش دوللارىن بەرگەن.
سول كٷنٸ كەشكە سايرام اۋدانىنداعى «Family Garden» مەيرامحاناسىندا ايىپتالۋشى جەبٸرلەنۋشٸنٸڭ تانىسى ارقىلى بەرٸلگەن 6900 اقش دوللارىن الۋ كەزٸندە پوليتسييا قىزمەتكەرلەرٸنٸڭ قولىنا تٷسكەن.
سوت بارىسىندا پروكۋرور ايىپتالۋشىعا 6 جىل 8 اي باس بوستاندىعىنان ايىرۋ جازاسىن تاعايىنداۋدى سۇرادى. ايىپتالۋشى ٶز كٸنەسٸن مويىنداماي, اقتاۋدى تالاپ ەتتٸ. ال جەبٸرلەنۋشٸ زاڭدا كٶزدەلگەن جازا تاعايىنداۋدى سۇراعان.
سوت ونىڭ كٸنەسٸ جەبٸرلەنۋشٸنٸڭ, كۋەلاردىڭ ايعاقتارىمەن, ساراپتاما قورىتىندىلارىمەن جەنە قىلمىستىق ٸس ماتەريالدارىمەن تولىق دەلەلدەنگەنٸن اتاپ ٶتتٸ.
2026 جىلعى 26 مامىرداعى ٷكٸممەن ايىپتالۋشى قىلمىستىق كودەكستٸڭ 194-بابى 3-بٶلٸگٸ 2-تارماعى بويىنشا كٸنەلٸ دەپ تانىلىپ, 6 جىلعا باس بوستاندىعىنان ايىرىلدى.
ٷكٸم زاڭدى كٷشٸنە ەنگەن جوق.
