پرەزيدەنت تاپسىرمالارىن ٸسكە اسىرۋ اياسىندا قازاقستاندا ەلەۋمەتتٸك سالادا اۋقىمدى ٶزگەرٸستەر جٷزەگە اسىرىلىپ جاتىر. بۇل تۋرالى پرەمەر-مينيستر ولجاس بەكتەنوۆ مەلٸمدەدٸ, دەپ حابارلايدى Dalanews.kz.
ٷكٸمەت باسشىسىنىڭ ايتۋىنشا, سوڭعى جىلدارى ەلەۋمەتتٸك شىعىستار كٶلەمٸ تۇراقتى تٷردە جوعارى دەڭگەيدە ساقتالعان. 2025 جىلى بۇل ماقساتقا رەسپۋبليكالىق بيۋدجەتتەن 9,3 ترلن تەڭگە بٶلٸنٸپ, جالپى شىعىستاردىڭ 36,5%-ىن قۇراعان.
"قولداۋدىڭ فيلوسوفيياسى ٶزگەردٸ: كٶمەك اتاۋلى, ەدٸل ەرٸ ىنتالاندىرۋشى بولۋى تيٸس. تسيفرلىق قۇرالدار ٷي شارۋاشىلىقتارىنىڭ جاعدايىن دەلٸرەك باعالاۋعا مٷمكٸندٸك بەردٸ", - دەدٸ بەكتەنوۆ.
سوڭعى جىلدارى ادام كاپيتالىنا سالىنعان ينۆەستيتسييا ايتارلىقتاي ٶستٸ: بٸلٸم مەن عىلىمدى قارجىلاندىرۋ بەس ەسەدەن استام, دەنساۋلىق ساقتاۋ مەن ەلەۋمەتتٸك قىزمەتتەرگە بٶلٸنەتٸن قارجى 3,7 ەسەگە ارتقان.
ەلدە بٸلٸم بەرۋ ينفراقۇرىلىمى دا كەڭەيٸپ كەلەدٸ. جەتٸ جىلدا 1,3 مىڭنان استام جاڭا مەكتەپ سالىنعان. تەك "كەلەشەك مەكتەپتەرٸ" ۇلتتىق جوباسى اياسىندا 2023–2025 جىلدارى 217 مەكتەپ پايدالانۋعا بەرٸلگەن.
مۇعالٸمدەردٸڭ ەڭبەكاقىسىنا قاناعاتتانۋ دەڭگەيٸ دە ارتقان. TALIS-2024 زەرتتەۋٸنە سەيكەس, قازاقستان بۇل كٶرسەتكٸش بويىنشا ەلەمدەگٸ ٷزدٸك بەستٸككە ەنگەن: 2018 جىلعى 39%-دان 2024 جىلى 71%-عا دەيٸن ٶسكەن.
دەنساۋلىق ساقتاۋ سالاسىندا دا وڭ ٶزگەرٸستەر بار. ەلدەگٸ مەديتسينالىق ۇيىمدار سانى 830-عا جەتٸپ, دەرٸگەرلەر سانى 83 مىڭنان اسقان. قازاقستان انا ٶلٸمٸن ازايتۋ قارقىنى بويىنشا ەلەمدٸك وندىققا كٸرگەن.
پرەزيدەنت باستاماسىمەن 2021 جىلى ٸسكە قوسىلعان "اڭساعان سەبي" باعدارلاماسى ارقىلى جىل سايىن 7 مىڭ ەكو كۆوتاسى بٶلٸنەدٸ. باعدارلاما باستالعالى 28 مىڭ ەيەل مٷمكٸندٸك الىپ, 11 مىڭ سەبي دٷنيەگە كەلگەن.
ماڭىزدى باستامالاردىڭ بٸرٸ - "ۇلتتىق قور – بالالارعا" باعدارلاماسى. ونىڭ اياسىندا بارلىق قازاقستاندىق بالالاردىڭ ەسەپشوتىنا ۇلتتىق قوردىڭ ينۆەستيتسييالىق تابىسىنان جىل سايىن قاراجات تٷسٸپ وتىرادى.
"ٷش جىل ٸشٸندە جەتٸ ميلليون بالاعا 2,5 ملرد دوللاردان استام قارجى اۋدارىلدى", - دەدٸ ٷكٸمەت باسشىسى.
سونىمەن قاتار "قازاقستان بالالارى" بٸرىڭعاي باعدارلاماسى قابىلدانىپ, بالالاردىڭ قۇقىقتارى مەن ەل-اۋقاتىن قامتاماسىز ەتەتٸن بارلىق شارالار بٸر جٷيەگە بٸرٸكتٸرٸلگەن.
جالپى العاندا, قابىلدانعان شارالاردىڭ نەتيجەسٸندە قازاقستاندا كٷتٸلەتٸن ٶمٸر سٷرۋ ۇزاقتىعى 76 جاسقا دەيٸن جەتكەن.
