قازاقستاندا ەلەۋمەتتٸك قولداۋدىڭ جاڭا مودەلٸ ەنگٸزٸلۋدە. بۇل جٷيە بويىنشا جەرگٸلٸكتٸ بيۋدجەت ەسەبٸنەن كٶرسەتٸلەتٸن قوسىمشا قولداۋ شارالارى تەك تۇرمىستىق جاعدايىنا قاراي بەس ساناتقا بٶلٸنگەن وتباسىلارعا اۆتوماتتى تٷردە تاعايىندالادى, دەپ حابارلايدى Dalanews.kz.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, پيلوتتىق جوبا شىمكەنت قالاسى مەن قاراعاندى وبلىسىندا ٸسكە اسىرىلۋدا. ول 21 مامىردا التى مينيسترلٸك قول قويعان بٸرلەسكەن بۇيرىق نەگٸزٸندە جٷزەگە اسىرىلىپ جاتىر. جاڭا تەسٸل رەسپۋبليكالىق بيۋدجەتتەن تٶلەنەتٸن بارلىق ەلەۋمەتتٸك تٶلەمدٸ ساقتاي وتىرىپ, جەرگٸلٸكتٸ اتقارۋشى ورگاندار قارجىسى ەسەبٸنەن قوسىمشا قولداۋدى نىسانالى تٷردە بٶلۋگە مٷمكٸندٸك بەرەدٸ.
“ەربٸر وتباسىنىڭ ەل-اۋقات دەڭگەيٸ 23 ەلەۋمەتتٸك-دەموگرافييالىق جەنە ەكونوميكالىق كٶرسەتكٸش بويىنشا ايقىندالادى. قوسىمشا قولداۋ الۋعا ٶتٸنٸش بٸلدٸرگەن وتباسىلار التى ساناتقا جٸكتەلەدٸ: ەڭ تٶمەنگٸ دەڭگەيگە ازىق-تٷلٸكتٸڭ جەتپەۋٸنەن باستاپ, ەڭ جوعارعى دەڭگەي ەشقانداي ماتەريالدىق قيىندىق كٶرمەيتٸن وتباسىلارعا دەيٸن. شەشٸم وتباسىلاردىڭ تسيفرلىق كارتاسى ارقىلى جينالعان وبەكتيۆتٸ دەرەكتەر نەگٸزٸندە اۆتوماتتى تٷردە قابىلدانادى”, – دەلٸنگەن حابارلامادا.
كٶمەك قاجەتتٸلٸك دەڭگەيٸنە قاراي تاعايىندالادى. بۇل رەتتە وتباسىنىڭ تابىسى, مٷلكٸ, كٶلٸگٸ, نەسيەلەرٸ, دەنساۋلىعى, مٷگەدەكتٸگٸ, بٸلٸمٸ, اسىراۋىنداعى جٷكتەمەسٸ جەنە جاسىرىن تابىستارى ەسكەرٸلەدٸ. ەگەر وتباسىنىڭ ەكٸ نەمەسە ودان دا كٶپ جىلجىمايتىن مٷلكٸ, كٶلٸگٸ, تٸركەلگەن كەسٸبٸ بولىپ, بٸر ادامعا شاققانداعى تابىسى تٶرت ەڭ تٶمەنگٸ كٷنكٶرٸس دەڭگەيٸنەن (222 244 تەڭگە) اسىپ كەتسە, ولار التىنشى ساناتقا ەنگٸزٸلەدٸ دە, جەرگٸلٸكتٸ بيۋدجەت ەسەبٸنەن قوسىمشا قولداۋ الۋشىلار تٸزٸمٸنەن شىعارىلادى. ال قالعان بەس ساناتتاعى وتباسىلارعا كٶمەك اۆتوماتتى تٷردە تاعايىندالادى.
