دجوردجتاۋنداعى مۇسىلمان-حريستيان ءوزارا قارىم-قاتىناس ورتالىعىنىڭ قولداۋىمەن اممانا ستراتەگيالىق زەرتتەۋ كورولدىك يسلام ورتالىعى كەزەكتى «The Muslim 500-2017» - الەمنىڭ ەڭ بەدەلدى 500 مۇسىلماننىڭ ءتىزىمىن جاريالادى. بۇل جونىندەگى جەرگىلىكتى تۇركىمەن ب ا ق حابارلايدى.
رەيتينگكە بەدەلدى مۇسىلمان عالىمدار، ساياساتكەرلەر، ءدىني قىزمەتكەرلەر، رۋحاني ۇستازدار، كاسىپكەرلەر، قايىرىمدىلىق جاساۋشىلار، ونەر جانە مادەنيەت ادامدارى، سپورتشىلار مەن قۇراننىڭ حافيزدارى كىرگەن.
ءتىزىم باسىندا «ءال-ازحار» ەگيپەت ۋنيۆەرسيتەتىنىڭ يمامى شەيح احماد مۇحاممەد ءال-تايىب تۇر. ودان كەيىن يوردانيا مەن ماروككو كورولى ابدۋللا II يبن ال-حۋسەين مەن مۇحاممەد IV، تۇركيا پرەزيدەنتى رەجەپ تىيىپ ەردوعان جانە يراننىڭ رۋحاني ليدەرى اياتوللا ساييد ءالي حامەنەي ەسىمدەرى اتالعان.
الەمنىڭ ەڭ بەدەلدى 500 مۇسىلمانىنىڭ تىزىمىندە تاجىكستان پرەزيدەنتى ەمومالي راحمون، تۇركىمەنستان باسشىسى گۋربانگۋلى بەردىمۋحاممەدوۆ جانە شەشەنستان پرەزيدەنتى رامزان كادىروۆتار بار. سونىمەن بىرگە تىزىمدە وزبەكستان ءمۇفتيى ۋسمان اليموۆ، تاجىكستاننىڭ ۇلەمدەر كەڭەسىنىڭ باسشىسى ساييدمۋكاررام ابدۋلكوديرزودانىڭ جانە برازيليادا وتكەن وليمپيادا ويىندارىنىڭ التىن جۇلدە يەگەرى ديلشود نازاروۆ (تاجىكستان) بار.
ستراتەگيالىق زەرتتەۋ كورولدىك يسلام ورتالىعى 2009 جىلدان بەرى الەمنىڭ ەڭ بەدەلدى مۇسىلماندارىنىڭ ءتىزىمىن جاساپ كەلەدى. تاجىكستان پرەزيدەنتى بۇل تىزىمگە ءۇشىنشى رەت، ال تۇركىمەنستان پرەزيدەنتى ەكىنشى رەت كىرىپ وتىر.
