Djordjtaýndaǵy musylman-hristian ózara qarym-qatynas ortalyǵynyń qoldaýymen Ammana strategiialyq zertteý koroldik islam ortalyǵy kezekti «The Muslim 500-2017» - álemniń eń bedeldi 500 musylmannyń tizimin jariialady. Bul jónindegi jergilikti túrkimen BAQ habarlaidy.
Reitingke bedeldi musylman ǵalymdar, saiasatkerler, dini qyzmetkerler, rýhani ustazdar, kásipkerler, qaiyrymdylyq jasaýshylar, óner jáne mádeniet adamdary, sportshylar men Qurannyń hafizdary kirgen.
Tizim basynda «Ál-Azhar» egipet ýniversitetiniń imamy sheih Ahmad Muhammed ál-Taiyb tur. Odan keiin Iordaniia men Marokko koroli Abdýlla II ibn ál-Hýsein men Muhammed IV, Túrkiia prezidenti Rejep Tyiyp Erdoǵan jáne Irannyń rýhani lideri aiatolla Saiid Áli Hamenei esimderi atalǵan.
Álemniń eń bedeldi 500 musylmanynyń tiziminde Tájikstan prezidenti Emomali Rahmon, Túrkimenstan basshysy Gýrbangýly Berdymýhammedov jáne Sheshenstan prezidenti Ramzan Kadyrovtar bar. Sonymen birge tizimde Ózbekstan múftii Ýsman Alimov, Tájikstannyń Úlemder keńesiniń basshysy Saiidmýkarram Abdýlkodirzodanyń jáne Braziliiada ótken Olimpiada oiyndarynyń altyn júlde iegeri Dilshod Nazarov (Tájikstan) bar.
Strategiialyq zertteý koroldik islam ortalyǵy 2009 jyldan beri álemniń eń bedeldi musylmandarynyń tizimin jasap keledi. Tájikstan prezidenti bul tizimge úshinshi ret, al Túrkimenstan prezidenti ekinshi ret kirip otyr.
