مەجٸلٸس دەپۋتاتى, "اۋىل" پارتيياسى فراكتسيياسىنىڭ ٶكٸلٸ جيگۋلي دايراباەۆ پرەمەر-مينيستر ولجاس بەكتەنوۆكە جولداعان دەپۋتاتتىق ساۋالىندا شەكارالىق جەنە شالعاي اۋىلداردىڭ جويىلۋ قاۋپٸنە الاڭداۋشىلىق بٸلدٸردٸ, دەپ حابارلايدى Dalanews.kz.
دايراباەۆتىڭ سٶزٸنشە, كەيٸنگٸ 34 جىلدا "بولاشاعى جوق" دەگەن جەلەۋمەن جٷزدەگەن اۋىل جابىلىپ, اتالعان ٷردٸس ەلٸ دە جالعاسىپ كەلەدٸ.
"الداعى ۋاقىتتا تاعى دا 2 مىڭعا جۋىق اۋىل جابىلۋى مٷمكٸن دەگەن قاۋٸپ بار. سونداعى ايتاتىندارى ينجەنەرلٸك ينفراقۇرىلىم مەملەكەتتٸڭ موينىنا ٷلكەن جٷك بولادى-مىس دەگەن ۋەج. مەملەكەت اۋىل تۇرعىندارىنا شاعىن كەسٸپ اشۋعا, شىعارعان ٶنٸمدەرٸن ٶتكٸزۋگە كٶمەكتەسۋ ورنىنا ولاردى وسىلايشا ودان ەرٸ سەرگەلدەڭگە سالماق. اۋىلداردى جابۋ قوردالانعان مەسەلەنٸ شٸرەنٸستٸرمەسە, شەشپەيدٸ. اۋىلدىقتار قالاعا كەلٸپ, ەلەۋمەتتٸك قاجەتتٸلٸكتٸ ودان سايىن كٶبەيتپەي مە? بٸر ەتتەڭە اۋىلداردى جابۋ كەرەك دەگەندەر وسىنداي قاراپايىم اكسيومانى تٷسٸنبەي كەلەدٸ", – دەدٸ دەپۋتات.
ونىڭ ايتۋىنشا, اۋىلدى جەرلەردٸ دامىتۋعا باعىتتالعان باعدارلامالار نەتيجەلٸ بولعانىمەن, قوردالانعان مەسەلەلەردٸ تولىق شەشە الماعان.
"ال قازٸر قولعا العان ٸس-شارالار ازدىق ەتەدٸ. اۋىلدى, ەسٸرەسە شەكارالىق ايماقتارداعى ەلدٸ مەكەندەردٸ ساقتاپ قالۋ تەك ەكونوميكالىق تۇرعىدان ەمەس, مەملەكەت قاۋٸپسٸزدٸگٸنٸڭ باستى فاكتورى ەكەنٸن ۇمىتپايىق. بۇل رەتتە ازاماتتاردىڭ اۋىلعا كەلۋٸن ىنتالاندىرۋ, حالىقتىڭ كٶشٸ-قونىن ازايتۋ, اۋىلدىق جەرلەردە جۇمىس كٷشٸ تاپشىلىعىن جويۋ, اگروٶنەركەسٸپ كەشەنٸن تۇراقتى دامىتۋدى قامتاماسىز ەتۋ, شاعىن ورتا بيزنەس سۋبەكتٸلەرٸ سانىن ارتتىرۋ, تۇراقتى جۇمىس ورنى جوق قالا ازاماتتارىنىڭ, سونداي-اق جاس وتباسىلاردىڭ ەلەۋمەتتٸك مەسەلەلەرٸن شەشۋگە قولداۋ كٶرسەتۋ باستى مٸندەتٸمٸز", - دەدٸ ول.
دەپۋتات اۋىلدى ساقتاۋ ٷشٸن قابىلدانىپ جاتقان شارالاردىڭ جەتكٸلٸكسٸز ەكەنٸن اتاپ ٶتٸپ, ٷكٸمەتكە 7 ناقتى ۇسىنىس جاسادى.
اۋىلداردى ساقتاۋ ٷشٸن جەكە دامۋ جوسپارى قاجەت. شەكارالىق جەنە شالعايداعى ەلدٸ مەكەندەردٸڭ ٶمٸر سٷرۋ ساپاسىن ارتتىرۋعا باعىتتالعان ارنايى مەملەكەتتٸك باعدارلاما قابىلدانۋى تيٸس.
قونىس اۋدارۋشىلارعا ناقتى قولداۋ. تۇرعىن ٷي ساتىپ الۋعا نەمەسە سالۋعا بەرٸلەتٸن سۋبسيدييانى ۇلعايتىپ, كوممۋنالدىق جەنە ينفراقۇرىلىمدىق تٶلەمدەرگە ٶتەماقى قاراستىرۋ كەرەك.
قالادان اۋىلعا باراتىن ماماندارعا كٶمەك. اۋىل شارۋاشىلىعى سالاسىنداعى ماماندارعا تەحنيكالىق ارزان نەسيەلەر مەن ماقساتتى سۋبسيدييالار ۇسىنىلۋى تيٸس.
جەر تەلٸمدەرٸن رەسٸمدەۋدٸ جەڭٸلدەتۋ جەنە كووپەراتيۆتەر قۇرۋ. جاس فەرمەرلەرگە ارنالعان وقىتۋ باعدارلامالارىن ٸسكە قوسىپ, "بٸر اۋىل – بٸر كووپەراتيۆ" قاعيداتىن ەنگٸزۋ قاجەت.
اۋدان دەڭگەيٸندە "بٸر تەرەزە" جٷيەسٸن ەنگٸزۋ. ارنايى جوبالىق كەڭسەلەر كٶشٸ-قون, ەلەۋمەتتٸك كٶمەك, جۇمىسپەن قامتۋ جەنە تۇرعىن ٷي مەسەلەلەرٸن بٸر ورتالىقتان شەشۋگە مٷمكٸندٸك بەرۋٸ كەرەك.
كەسٸپكەرلٸككە ارنالعان گرانتتار مەن جەڭٸلدەتٸلگەن نەسيەلەر. جەكە ٸس باستاۋعا نيەتتٸ ازاماتتارعا قارجىلاي قولداۋ كٶرسەتۋ كەرەك.
اۋىل كەسٸپكەرلەرٸنە ۇزاق مەرزٸمدٸ, تٶمەن پايىزدى نەسيە. ەلدٸ مەكەندەردٸڭ دامۋىنا ٷلەس قوسىپ وتىرعان كەسٸپكەرلەر ٷشٸن قولجەتٸمدٸ قارجى تەتٸكتەرٸن ەنگٸزۋ قاجەت.
مەملەكەتتٸك ساياسات – تۇتىنۋشىلىق ەمەس, تۇراقتى ٶمٸر ساپاسىنا نەگٸزدەلۋٸ كەرەك
دايراباەۆ اۋىلدىڭ تاعدىرى تەك بٸر پارتييانىڭ ەمەس, تۇتاس قوعامنىڭ مەسەلەسٸ ەكەنٸن اتاپ ٶتتٸ. ونىڭ ايتۋىنشا, اۋىلعا دەگەن قامقورلىق ازاماتتاردىڭ تۇرمىس ساپاسىن ارتتىرىپ, جاستاردىڭ اۋىلدا قالۋىنا, كٶشٸ-قوندى توقتاتۋعا جەنە ەكونوميكالىق تەپە-تەڭدٸكتٸ ساقتاۋعا جول اشادى.
"قازاق ٷشٸن اۋىل – ٷي ەمەس, ار-نامىسى. جاستاردىڭ اۋىلدا تۇراقتاپ, سول جەردە باقىتتى ٶمٸر سٷرۋٸنە مٷمكٸندٸك جاساۋ – بٸزدٸڭ باستى مٸندەتٸمٸز", – دەدٸ دەپۋتات.
سٶز سوڭىندا ول ٷكٸمەتتٸ اۋىل مەسەلەسٸنە ستراتەگييالىق دەڭگەيدە قاراۋعا, ۇسىنىستاردى ٸسكە اسىرۋعا شاقىردى. بۇل باستامالار ەل بولاشاعىن اۋىلدان باستاۋعا جول اشادى.
