ينتەرنەت-الاياقتار اقشانى كارتاعا اۋدارتپاي, «كۋرەر» بولىپ كەلگەن ادامدارعا قولما-قول بەرۋدٸ باستاپ كەتكەنٸ انىقتالدى, دەپ حابارلايدى Dala News.
الماتى قالاسىندا كيبەرقىلمىسپەن كٷرەس باسقارماسى ينتەرنەت الاياقتارىنىڭ جاڭا سحەماسىن ەشكەرەلەدٸ. ەندٸ قىلمىسكەرلەر جەبٸرلەنۋشٸلەردەن اقشانى بٶتەن كارتاعا اۋدارتپايدى, كەرٸسٸنشە ٶز ادامدارىن «كۋرەر» رەتٸندە جٸبەرٸپ, قولما-قول الىپ كەتەدٸ.
بۇل تۋرالى ٶڭٸرلٸك كوممۋنيكاتسييالار قىزمەتٸندەگٸ بريفينگتە الماتى قالالىق پوليتسييا دەپارتامەنتٸنٸڭ كيبەرقىلمىسقا قارسى كٷرەس باسقارماسى باستىعىنىڭ ورىنباسارى ەركەبۇلان قويشيباەۆ مەلٸمدەدٸ.
ونىڭ ايتۋىنشا, بۇعان دەيٸن الاياقتار كٶبٸنە «دروپ-كارتالاردى» پايدالانعان. الايدا بٸر جىلدان بەرٸ جۇمىس ٸستەپ تۇرعان انتيفرود جٷيەسٸ بۇل ارنالاردى كٷرت شەكتەگەن.
– قازٸر ولار جەبٸرلەنۋشٸلەردٸڭ ٷيٸنە نەمەسە جۇمىس ورنىنا بارىپ, ٶزٸن كۋرەر رەتٸندە تانىستىرىپ, اقشانى تٸكەلەي الىپ كەتەدٸ. الماتىدا وسىنداي سحەماعا قاتىسى بار 20 مەن 35 جاس ارالىعىنداعى تٶرت ادام ۇستالدى. قازٸر ولاردىڭ ٶزگە دە قىلمىستارعا قاتىسى تەكسەرٸلٸپ جاتىر, – دەدٸ قويشيباەۆ.
پوليتسييا دەرەگٸنشە, 2025 جىلى الماتىدا ينتەرنەت الاياقتىقتىڭ 2500-دەن استام فاكتٸسٸ تٸركەلگەن. كەلتٸرٸلگەن جالپى شىعىن كٶلەمٸ شامامەن 2,5 ملرد تەڭگەنٸ قۇرايدى. ونىڭ ٸشٸندە 700 ملن تەڭگەدەن استام قاراجات جەبٸرلەنۋشٸلەرگە قايتارىلعان.
ەڭ جيٸ قولدانىلاتىن سحەمالار قاتارىندا ٶزٸن بانك قىزمەتكەرٸ, قاۋٸپسٸزدٸك قىزمەتٸنٸڭ ٶكٸلٸ, مەملەكەتتٸك ورگان نەمەسە بايلانىس وپەراتورى رەتٸندە تانىستىراتىن قوڭىراۋلار مەن حابارلامالار بار. سونىمەن قاتار جالعان سايتتار, فەيك ينتەرنەت-دٷكەندەر, جۇمىس ۇسىنۋ جەنە ينۆەستيتسييا تۋرالى الداۋ تەسٸلدەرٸ دە كەڭ تارالعان.
قۇقىق قورعاۋ ورگاندارىنىڭ «كيبەرقاداعالاۋ» جٷيەسٸ ارقىلى 17 مىڭنان استام سايت بۇعاتتالعان. ونىڭ ٸشٸندە ەسٸرتكٸگە قاتىستى رەسۋرستار مەن دەسترۋكتيۆتٸ كونتەنت تاراتاتىن پلاتفورمالار دا بار.
پوليتسييا تۇرعىنداردى ساق بولۋعا شاقىرادى. بەلگٸسٸز ادامدارعا اقشا بەرمەۋ, ٶزٸن بانك نەمەسە مەملەكەتتٸك ورگان قىزمەتكەرٸ رەتٸندە تانىستىرعاندارعا سەنبەۋ, كٷمەندٸ سٸلتەمەلەرگە ٶتپەۋ جەنە مۇنداي جاعداي تۋىنداسا, بٸردەن 102 نٶمٸرٸنە حابارلاۋ قاجەت.
