پرەزيدەنت ٶز سٶزٸندە «باسقاشا ايتقاندا, ٶزٸمٸزدٸڭ ازاماتتاردى تۇرعىن ٷيمەن قامتاماسىز ەتۋ مەسەلەسٸنە جٸتٸ كٶڭٸل بٶلٸنەتٸن بولادى. بۇل جۇمىس جەمٸسٸن بەرەتٸن كٷن دە الىس ەمەس دەپ, ويلايمىن», – دەپ سٶزٸن ناقتىلاي تٷسكەن ەدٸ.
توقاەۆتىڭ تاپسىرماسىنان كەيٸن ٶڭٸرلەردە حالىقتى تۇرعىن ٷيمەن قامتاماسىز ەتۋ ٷشٸن تٷرلٸ پيلوتتىق جوبالار باستاۋ الدى. كەزەك جەكە دارا بٶلٸنٸپ شىققان الماتى وبلىسىنا دا كەلٸپ جەتكەن جايى بار.
رەسپۋبليكا بويىنشا 6 پيلوتتىق جوبا ٸسكە اسىپ جاتسا, سونىڭ بٸرٸ الماتى وبلىسىنا تيەسٸلٸ. «الاتاۋ جاستارى» دەگەن اتاۋدى العان بۇل باستاما تالايدىڭ «ٷي الامىن» دەگەن ٷمٸتٸن ٷكٸلەتكەنٸ انىق.
قاراشا ايىنىڭ باسىنان قۇجات جيناۋدى باستاعان جوبا مەرەسٸنە جەتۋگە از قالدى. اعىمداعى جىلدىڭ قاراشانىڭ 31 جۇلدىزىندا ٶتٸنٸم قابىلداۋ توقتاتىلادى.
اينالاسى 25 كٷننٸڭ ٸشٸندە ٷي الامىن دەگەن ارمانىنا قانات بٸتٸرٸپ, قۇجاتتارىن ٶتكٸزبەككە نيەتتٸ 2000 ادامنان ٶتٸنٸم كەلٸپ تٷسكەن. ولاردىڭ تەك جارتىسىنىڭ, ياعني, بٸر مىڭ ازاماتتىڭ قۇجاتى قابىلداۋدان ٶتكەن.
– باستى سەبەپ, حالىقتىڭ شارتتى دۇرىس تٷسٸنبەۋٸندە», – دەيدٸ الماتى وبلىسى جاستار رەسۋرستىق ورتالىعىنىڭ باسشىسى ماقسات كەنەشوۆ. – الماتى وبلىسى ەكٸگە بٶلٸنگەننەن كەيٸن از ۋاقىتتىڭ ٸشٸندە جاستارعا ارنالعان تۇرعىن ٷي باعدارلاماسى ٸسكە قوسىلدى. ەرينە, بۇل تىڭ باستاما وبلىس جاستارىنا ٷمٸت سىيلاعانى انىق. الايدا, ناسيحات جۇمىستارىنىڭ جەتكٸلٸكتٸ دەڭگەيدە بولماۋىنا بايلانىستى الماتى قالاسىنىڭ تۇرعىندارى بٸزگە قۇجاتتارىن ٶتكٸزگەن جاعدايلار كەزدەستٸ. جوبانىڭ بٸرٸنشٸ كەزەڭٸنٸڭ اياقتالۋىنا ساناۋلى كٷندەر قالسادا, جاستار ٶز ٶتٸنٸمدەرٸن قالدىرا الادى, –دەدٸ ماقسات كەنەشوۆ.
بۇعان دەيٸندە ايتىلعانداي باعدارلاماعا 35 جاسقا دەيٸنگٸ ازاماتتار قاتىسا الادى.
قاتىسۋشى قازاقستان رەسپۋبليكاسىنىڭ ازاماتى بولۋى تيٸس. سونداي-اق, جۇبايىنىڭ (زايىبىنىڭ) جاسىنا قاراماستان, باعدارلاماعا قاتىسۋ ٷشٸن ٶتٸنٸش بەرگەن كەزدەگٸ باعدارلاماعا قاتىسۋشىنىڭ جاسى 35 جاسقا دەيٸن (قوسا العاندا). باعدارلاماعا نەگٸزگٸ قاتىسۋشى رەتٸندە قاتىسۋعا ەرلٸ-زايىپتىلاردىڭ بٸرەۋٸ عانا رۇقسات ەتٸلەدٸ.
باعدارلاماعا قاتىسۋشىدا جەنە ونىڭ وتباسى مٷشەلەرٸندە سوڭعى 5 (بەس) جىلدا قازاقستان رەسپۋبليكاسىنىڭ اۋماعىندا ساتىپ الۋ قۇقىعىمەن جالعا بەرٸلەتٸن تۇرعىن ٷيدٸڭ نەمەسە مەنشٸك قۇقىعىنداعى تۇرعىن ٷيدٸڭ (ەرلٸ-زايىپتىلاردىڭ ورتاق بٸرلەسكەن مەنشٸگٸ, ٶتٸنٸشكە ەنگٸزٸلەتٸن وتباسىنىڭ باسقا مٷشەلەرٸمەن بٸرلەسٸپ ورتاق ٷلەستٸك مەنشٸك) بولماۋى كەرەك.
قاتىسۋشىنىڭ تاڭدالعان سالاداعى رەسمي جۇمىس ٶتٸلٸ الماتى وبلىسىندا ٶتٸنٸش بەرگەن سەتتە سوڭعى بٸر جىلدان كەم ەمەس, زەينەتاقى شوتىنان ٷزٸندٸ كٶشٸرمەمەن راستالاتىن بولادى.
ەستەرٸڭٸزگە سالامىز, نەسيە سوماسى 10 ملن تەڭگە. باستاپقى جارنا تالاپ ەتٸلمەيدٸ. ەگەردە, قاتىسۋشى ەكٸنشٸ دەڭگەيلٸ ٷيدٸ ساتىپ الامىن دەپ شەشٸم قابىلداسا وندا 10 پايىز جارنا سالۋى قاجەت. سونىمەن قاتار, كٶزدەگەن ٷي باعاسى بەرٸلگەن قاراجاتتان اسىپ كەتسە, قالعان قارجىنى ٶزٸ قوسۋى شارت.
پايىزدىق مٶلشەرلە – جىلدىق 5%-عا دەيٸن. ال قارىز مەرزٸمٸ – 19 جىلعا دەيٸن
ەڭ باستى تالاپ – تٶلەم قابٸلەتتٸلٸگٸن راستاۋ.
بانكتٸڭ ٸشكٸ قۇجاتتارىنا سەيكەس جٷرگٸزٸلەتٸن كرەديتتٸك تۇرعىن ٷي ساتىپ الۋ ٷشٸن سالىمشى بولىپ تابىلاتىن باعدارلاماعا قاتىسۋشىنىڭ قارجىلىق مٷمكٸندٸكتەرٸ ايقىندالاتىن بولادى.
ەسكەرتەتٸن جايت, قاتىسۋشىلار قۇجاتتارىن ٶتكٸزگەننەن كەيٸن كوميسسييا مٷشەلەرٸ ارنايى تالاپتردى قاراستىرىپ, بالدىق جٷيەمەن باعالاتايتىن بولادى. ەڭ جوعارى بالدىڭ جيىنتىعى 325,5 ۇپايدى قۇرايتىن بولادى.
وبلىستىق جاستار ورتالىعىنىڭ ايتۋىنشا, العاشقى جىلى 60 ٷيگە, 600 ملن تەڭگە قارجى بٶلٸنگەن. كەلەر جىلى بۇل كٶرسەتكٸش ۇلعايۋى مٷمكٸن.
– بيىل بٸرٸنشٸ رەت ٶتكٸزٸلگەندٸكتەن جوباعا ناسيحات از بولدى. كەلەسٸ جىلى جالعاسىن تاپسا, اقپاراتتاندىرۋعا دەن قويۋ كەرەك دەپ ويلايمىن. جالپى جوبا جاستاردىڭ ٷي الۋىنا ٷلكەن مٷمكٸندٸك بەرەدٸ. تالاپتارعا كٶز جٷگٸرتسەڭٸز كٶپتەگەن جەڭٸلدٸكتەر قاراستىرىلعان. باعى جانعان ادام باسپانالى بولادى, – دەپ اتاپ ٶتتٸ ماقسات كەنەشوۆ.
ايتا كەتەيٸك, بٷگٸنگٸ كٷنٸ ارنايى «Call-ورتالىق» جۇمىس جاساپ وتىر. +7 775 789 21 60 بايلانىس نٶمٸرٸ ارقىلى تولىق اقپاراتتى الۋعا بولادى.
جاستار ساياساتى باعىتىنداعى بيىلعى جىلدىڭ باستى جوباسى مەرەسٸنە جەتۋگە تاياۋ. جاۋاپتىلاردىڭ سٶزٸنە سەنسەك, جاڭا جىل مەرەكەسٸنٸڭ قارساڭىندا جوبا قاتىسۋشىلارى قونىس تويىن تويلاپ باستايدى دەپ كٷتٸلۋدە.
