پرەزيدەنت قاسىم-جومارت توقاەۆ قازاقستان حالقىنا جولداۋىندا Alatau City جوباسىنىڭ مەن-ماڭىزىنا توقتالىپ, ونى ەلدٸڭ جاڭا دامۋ درايۆەرٸنە اينالدىرۋ قاجەتتٸگٸن اتاپ ٶتتٸ, دەپ حابارلايدى Dalanews.kz.
«قارقىندى ٶسٸپ كەلە جاتقان كٶپتەگەن مەملەكەتتە دامۋ كٶشٸنٸڭ باسىندا جٷرەتٸن قالالار ينۆەستيتسييالار مەن تەحنولوگييالاردى ٶزٸنە تارتاتىن پوليۋسكە اينالعان. الاتاۋ قالاسى ەلٸمٸزدٸڭ جاڭا ٸسكەرلٸك جەنە يننوۆاتسييالىق ورتالىعى بولۋعا تيٸس», – دەدٸ پرەزيدەنت.
مەملەكەت باسشىسىنىڭ ايتۋىنشا, جالپىۇلتتىق ماڭىزى بار بۇل مەگاجوبا ٷشٸن ارنايى جەر بٶلٸنٸپ, باستاپقى جوسپارلاۋ جۇمىستارى اياقتالعان. قالاعا قاجەتتٸ ينفراقۇرىلىمنىڭ نەگٸزگٸ جەلٸلەرٸ دە تارتىلعان.
سونىمەن قاتار توقاەۆ جۋىرداعى قىتاي ساپارى اياسىندا جاسالعان كەلٸسٸمدەرگە توقتالدى.
«شەنچجەن جاھاندىق تەحنوپوليسٸن سالۋعا قاتىسقان جەتەكشٸ كومپانييالاردىڭ بٸرٸ Alatau City جوباسىن جٷزەگە اسىرۋعا تٸكەلەي اتسالىسادى», – دەدٸ ول.
پرەزيدەنتتٸڭ تاپسىرماسىنا سەيكەس, ەندٸ جوباعا مىقتى ينستيتۋتسيونالدىق نەگٸزدەر قالىپتاستىرۋ قاجەت. وسىعان وراي قالاعا ارنايى مەرتەبە بەرۋ تۋرالى جارلىقتى ون كٷن ٸشٸندە ەزٸرلەۋ جٷكتەلدٸ. بۇدان بٶلەك, جارتى جىلدان اسپايتىن مەرزٸمدە قالانى باسقارۋ تەرتٸبٸ, قارجىلىق مودەلٸ جەنە ٶزگە دە تەتٸكتەردٸ ايقىندايتىن جەكە زاڭ قابىلداناتىن بولادى.
«ارنايى قۇقىقتىق مەرتەبە – قالاعا بەرٸلەتٸن ارتىقشىلىق ەمەس, جوبانىڭ قاعاز جٷزٸندە قالىپ قويماي, ناقتى ٸسكە اسۋىنا قاجەتتٸ قۇرال», – دەپ تٷسٸندٸردٸ توقاەۆ.
Alatau City ەلٸمٸزدەگٸ العاشقى تولىق تسيفرلانعان قالا رەتٸندە Smart City تەحنولوگييالارىن ەنگٸزۋدٸ كٶزدەيدٸ. مۇندا زاماناۋي يننوۆاتسييالىق شەشٸمدەر قولدانىلادى, تٸپتٸ تاۋارلار مەن قىزمەتتەر ٷشٸن كريپتوۆاليۋتامەن تٶلەۋ مٷمكٸندٸگٸ قاراستىرىلماق.
«بۇل قالا قازاقستاننىڭ كەلەشەكتەگٸ كەلبەتٸن تانىتپاق. وندا تەحنولوگييالىق ٶرلەۋگە جەنە ٶمٸر سٷرۋگە بارىنشا قولايلى جاعداي ٷيلەسٸم تابۋى قاجەت», – دەپ تٷيٸندەدٸ مەملەكەت باسشىسى.
