كٷن كٶزٸمەن تالاسا ويانعان 14 سايلاۋ ۋچاسكەسٸنە كەلگەن جۇرتتىڭ قاراسى كٶپ. ولاردىڭ بارلىعى مەملەكەت باسشىسى قاسىم-جومارت كەمەلۇلى توقاەۆتىڭ اۋىل ەكٸمدەرٸن حالىق سايلاۋى تيٸس دەگەن ايقىن باستاماسىن قولداپ, بولاشاق ٷشٸن تاڭداۋ جاساۋعا كەلگەندەر. سايلاۋعا كەلگەن ازاماتتاردىڭ دەنٸ جوعارى بۋىن ٶكٸلدەرٸ. بۇل ٶز كەزەگٸندە جاڭا باستامانىڭ بۇقارانىڭ كٶڭٸلٸنەن شىققاندىعىنىڭ كٶرٸنٸسٸ دەپ بٸلەمٸن.
بٷگٸندە الاكٶل اۋدانى بويىنشا اقتٷبەك, جايپاق, بەسكٶل, قابانباي, تەرەكتٸ, قامىسقالا, جاعاتال, ىنتالى اۋىلدىق وكرۋگتەرٸ بويىنشا ەكٸمدەر سايلاۋى ٶتكٸزٸلۋدە. ايتا كەتەرلٸگٸ, وبلىس اۋماعىندا تٸركەلگەن ەڭ جاس ٷمٸتكەر دە الاكٶلدٸك ٷمٸتكەر. تەرەكتٸ اۋىلدىق وكرۋگٸنە ٷمٸتكەر بولىپ وتىرعان جانتاس امانكەلدٸۇلىنىڭ جاسى نەبەرٸ 25-تە.
«بۇل سايلاۋ – ەر اۋىل ٷشٸن تاريحي ماڭىزى بار تاڭداۋ دەپ بٸلەمٸن. پرەزيدەنتٸمٸزدٸڭ حالىق پەن بيلٸك اراسىن جاقىنداتىپ, اۋىلىمىزدىڭ ەرتەڭگٸ بولاشاعىن ٶز قولىمىزعا تاپسىرعانى ٶتە ورىندى شەشٸم دەپ تٷسٸنەمٸن. بٸز وتباسىمىزبەن كەلٸپ, داۋىس بەرۋدٸ ٶز پارىزىمىز دەپ سانايمىز. سەبەبٸ, كٸندٸك قانىمىز تامىپ, بالعىن بالالىق شاعىمىز ٶتكەن تۋعان جەرٸمٸز بەرٸمٸزگە ىستىق, ونىڭ بولاشاعى ٷشٸن جۇمىلا اتسالىسقانىمىز دۇرىس دٷنيە. سايلاۋ الدىندا ٷمٸتكەرلەر ٶزدەرٸنٸڭ سايلاۋالدى باعدارلامالارىن تانىستىرىپ, تۇرعىندار اراسىندا ٷگٸت-ناسيحات جۇمىستارىن جٷرگٸزدٸ. اۋىلدى دامىتۋعا باعىتتالعان سٷبەلٸ مەسەلەلەرٸن دە ورتاعا سالدى. ەسٸرەسە, بٷگٸن جاس تولقىن ٶكٸلدەرٸنٸڭ سايلاۋعا قاتىسىپ جاتقانىنا دەن ريزامىن. ٶيتكەنٸ, بٷگٸنگٸ جاستاردىڭ بەلسەندٸلٸگٸ مەن كٷش-قۋاتتارى حالىقتىڭ قامى ٷشٸن ارنالىپ جاتسا, بٸز سوعان تٷرتكٸ بولىپ جٶن سٸلتەپ وتىرساق كەرەمەت ەمەس پە?!. قوعامنىڭ كٶڭٸلٸنەن شىققان ٷمٸتكەرگە بارىنشا قولداۋ كٶرسەتۋگە, ٶزٸمٸزدٸڭ اعالىق اقىلىمىزدى ايتۋعا دا دايىنبىز. «كەڭسە پٸشكەن تون كەلتە بولماس»,-دەگەن سٶزدٸڭ ماعىناسىن وسىندايدا تٷسٸنەسٸزدەر»,-دەيدٸ, ٶزٸنٸڭ وتباسىمەن سايلاۋعا داۋىس بەرۋگە كەلگەن 75 جاستاعى جايپاقتىق قارييا باياحمەت الپىسباەۆ.
ەسكە سالا كەتەيٸك, اۋداندا سەگٸز وكرۋگ بويىنشا بارلىعى 15 مىڭ سايلاۋشى بار. ەزٸرگە, الاكٶل جۇرتشىلىعىنىڭ بەلسەندٸلٸگٸ جوعارى.
قاسيەت ارستان,
الاكٶل اۋدانى ەكٸمٸنٸڭ
باسپاسٶز-حاتشىسى
