Kún kózimen talasa oianǵan 14 sailaý ýchaskesine kelgen jurttyń qarasy kóp. Olardyń barlyǵy Memleket basshysy Qasym-Jomart Kemeluly Toqaevtyń aýyl ákimderin halyq sailaýy tiis degen aiqyn bastamasyn qoldap, bolashaq úshin tańdaý jasaýǵa kelgender. Sailaýǵa kelgen azamattardyń deni joǵary býyn ókilderi. Bul óz kezeginde jańa bastamanyń buqaranyń kóńilinen shyqqandyǵynyń kórinisi dep bilemin.
Búginde Alakól aýdany boiynsha Aqtúbek, Jaipaq, Beskól, Qabanbai, Terekti, Qamysqala, Jaǵatal, Yntaly aýyldyq okrýgteri boiynsha ákimder sailaýy ótkizilýde. Aita keterligi, oblys aýmaǵynda tirkelgen eń jas úmitker de alakóldik úmitker. Terekti aýyldyq okrýgine úmitker bolyp otyrǵan Jantas Amankeldiulynyń jasy nebári 25-te.
«Bul sailaý – ár aýyl úshin tarihi mańyzy bar tańdaý dep bilemin. Prezidentimizdiń halyq pen bilik arasyn jaqyndatyp, aýylymyzdyń erteńgi bolashaǵyn óz qolymyzǵa tapsyrǵany óte oryndy sheshim dep túsinemin. Biz otbasymyzben kelip, daýys berýdi óz paryzymyz dep sanaimyz. Sebebi, kindik qanymyz tamyp, balǵyn balalyq shaǵymyz ótken týǵan jerimiz bárimizge ystyq, onyń bolashaǵy úshin jumyla atsalysqanymyz durys dúnie. Sailaý aldynda úmitkerler ózderiniń sailaýaldy baǵdarlamalaryn tanystyryp, turǵyndar arasynda úgit-nasihat jumystaryn júrgizdi. Aýyldy damytýǵa baǵyttalǵan súbeli máselelerin de ortaǵa saldy. Ásirese, búgin jas tolqyn ókilderiniń sailaýǵa qatysyp jatqanyna dán rizamyn. Óitkeni, búgingi jastardyń belsendiligi men kúsh-qýattary halyqtyń qamy úshin arnalyp jatsa, biz soǵan túrtki bolyp jón siltep otyrsaq keremet emes pe?!. Qoǵamnyń kóńilinen shyqqan úmitkerge barynsha qoldaý kórsetýge, ózimizdiń aǵalyq aqylymyzdy aitýǵa da daiynbyz. «Keńse pishken ton kelte bolmas»,-degen sózdiń maǵynasyn osyndaida túsinesizder»,-deidi, óziniń otbasymen sailaýǵa daýys berýge kelgen 75 jastaǵy jaipaqtyq qariia Baiahmet Alpysbaev.
Eske sala keteiik, aýdanda segiz okrýg boiynsha barlyǵy 15 myń sailaýshy bar. Ázirge, Alakól jurtshylyǵynyń belsendiligi joǵary.
Qasiet ARSTAN,
Alakól aýdany ákiminiń
baspasóz-hatshysy
