باس پروكۋراتۋرانىڭ قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنٸڭ قىلمىستىق قاۋٸپ-قاتەرلەردٸ بولجاۋ ورتالىعى Telegram اككاۋنتتارىنا بۇزىپ كٸرۋدٸڭ جاڭا سحەماسى تۋرالى ەسكەرتەدٸ, دەپ حابارلايدى dalanews.kz.
شەتەلدٸك دەرەك كٶزدەردٸڭ مەلٸمەتٸنشە, الاياقتار پايدالانۋشىلارعا Telegram-نىڭ رەسمي قولداۋ قىزمەتٸ اتىنان جالعان حابارلامالار جٸبەرۋدە. مۇنداي حابارلامالاردا اككاۋنتتى جويۋ تۋرالى سۇراۋ سالۋ كەلٸپ تٷسكەنٸ, ال ونى بولدىرماۋ ٷشٸن شۇعىل تٷردە ارنايى باتىرمانى باسۋ قاجەت ەكەنٸ كٶرسەتٸلەدٸ.
ەدەتتە الاياقتار پايدالانۋشىنى ۋاقىتپەن شەكتەپ, اككاۋنتتى جويۋدى تەك 24 ساعات ٸشٸندە عانا توقتاتۋعا بولاتىنىن حابارلايدى. سونداي-اق كٶرسەتٸلگەن مەرزٸم ٶتكەننەن كەيٸن اككاۋنت, حات الماسۋلار, فايلدار مەن كونتاكتٸلەر قايتارىمسىز جويىلاتىنى تۋرالى ەسكەرتەدٸ.
ٸس جٷزٸندە, بۇل سحەما پسيحولوگييالىق قىسىم جاساۋعا نەگٸزدەلگەن: الاياقتار پايدالانۋشىنىڭ اككاۋنتقا قولجەتٸمدٸلٸكتٸ جوعالتىپ الۋ قورقىنىشىن پايدالانىپ, ونى اسىعىس ەرەكەت جاساۋعا يتەرمەلەيدٸ.
باتىرمانى باسقاننان كەيٸن پايدالانۋشى Telegram-بوتقا نەمەسە جالعان پاراقشاعا باعىتتالادى. ول جەردە SMS ارقىلى نەمەسە مەسسەندجەردەن كەلگەن راستاۋ كودىن ەنگٸزۋ سۇرالادى.
ٸس جٷزٸندە اككاۋنتتى جويۋدى بولدىرمايتىن ەشقانداي رەسٸم جوق. كودتى ەنگٸزۋ ارقىلى پايدالانۋشى الاياقتارعا ٶز اككاۋنتىنا قولجەتٸمدٸلٸكتٸ ٶز قولىمەن بەرەدٸ.
ەستە ساقتاڭىز: Telegram-نىڭ رەسمي قولداۋ قىزمەتٸ ەشقاشان پايدالانۋشىلاردان ٷشٸنشٸ تاراپ بوتتارى نەمەسە كٷمەندٸ سٸلتەمەلەر ارقىلى راستاۋ كودتارىن, قۇپيياسٶزدەردٸ نەمەسە اككاۋنتقا كٸرۋگە قاجەتتٸ ٶزگە دە دەرەكتەردٸ سۇرامايدى.
اككاۋنتتى باقىلاۋعا العاننان كەيٸن الاياقتار حات-حابارلاردى وقۋعا, جەكە دەرەكتەرگە قولجەتٸمدٸلٸك, اككاۋنت يەسٸنٸڭ اتىنان حابارلامالار جٸبەرۋگە, كونتاكتتاردان اقشا اۋدارۋدى سۇراۋعا, اككاۋنتتى باسقا الاياقتىق شابۋىلدار ٷشٸن پايدالانۋعا مٷمكٸندٸك الادى.
الاياقتىق حابارلامانىڭ نەگٸزگٸ بەلگٸلەرٸ:
- جٸبەرۋشٸ ٶزٸن قولداۋ قىزمەتٸنٸڭ ٶكٸلٸ رەتٸندە تانىستىرادى, بٸراق رەسمي راستالعان مەرتەبەسٸ جوق;
- حابارلامادا شۇعىل تٷردە سٸلتەمە ارقىلى ٶتۋدٸ نەمەسە بوتتى پايدالانۋدى تالاپ ەتەدٸ;
- پايدالانۋشىدان SMS نەمەسە Telegram ارقىلى كەلگەن راستاۋ كودىن ەنگٸزۋدٸ سۇرايدى;
- اككاۋنتتى جوعالتۋ قاۋپٸ مەن اسىعىستىق سەزٸمٸن قالىپتاستىرادى;
- حابارلاما جٸبەرۋشٸنٸڭ اككاۋنتى جاقىندا قۇرىلعان, اتاۋىن ٶزگەرتكەن نەمەسە كٷمەندٸ بەلگٸلەرٸ بار;
- مەتٸندە وعاش تۇجىرىمدار, قاتەلەر نەمەسە كٷمەندٸ سٸلتەمەلەر كەزدەسەدٸ.
اككاۋنتتى قورعاۋ ٷشٸن كەلەسٸ ٸس-شارالار ۇسىنىلادى:
- راستاۋ كودتارى مەن قۇپيياسٶزدەردٸ ەشكٸمگە حابارلاماڭىز;
- كٷمەندٸ حابارلامالارداعى سٸلتەمەلەرگە ٶتپەڭٸز;
- Telegram دەرەكتەرٸن بٶگدە پاراقشالاردا نەمەسە بوتتاردا ەنگٸزبەڭٸز;
- قوسىمشانىڭ باپتاۋلارىندا ەكٸ كەزەڭدٸ اۋتەنتيفيكاتسييانى قوسىڭىز;
- «قۇرىلعىلار» بٶلٸمٸندەگٸ بەلسەندٸ سەانستاردى تۇراقتى تٷردە تەكسەرٸڭٸز;
- بەلگٸسٸز نەمەسە كٷمەندٸ قوسىلىمداردى اياقتاڭىز;
- اقپاراتتى تەك Telegram-نىڭ رەسمي ارنالارىنان جەنە باپتاۋلارىنان الىڭىز.
الاياقتار قورقىنىش پەن اسىعىستىققا سەنٸم ارتادى. سابىر ساقتاڭىز: اقپاراتتى تەكسەرۋگە كەتكەن بٸرنەشە مينۋت اككاۋنتىڭىزدى, جەكە دەرەكتەرٸڭٸزدٸ جەنە جاقىندارىڭىزدى ىقتيمال زيياننان قورعاۋعا كٶمەكتەسەدٸ.
