Bas prokýratýranyń Quqyqtyq statistika jáne arnaiy esepke alý jónindegi komitetiniń Qylmystyq qaýip-qaterlerdi boljaý ortalyǵy Telegram akkaýnttaryna buzyp kirýdiń jańa shemasy týraly eskertedi, dep habarlaidy dalanews.kz.
Sheteldik derek kózderdiń málimetinshe, alaiaqtar paidalanýshylarǵa Telegram-nyń resmi qoldaý qyzmeti atynan jalǵan habarlamalar jiberýde. Mundai habarlamalarda akkaýntty joiý týraly suraý salý kelip túskeni, al ony boldyrmaý úshin shuǵyl túrde arnaiy batyrmany basý qajet ekeni kórsetiledi.
Ádette alaiaqtar paidalanýshyny ýaqytpen shektep, akkaýntty joiýdy tek 24 saǵat ishinde ǵana toqtatýǵa bolatynyn habarlaidy. Sondai-aq kórsetilgen merzim ótkennen keiin akkaýnt, hat almasýlar, faildar men kontaktiler qaitarymsyz joiylatyny týraly eskertedi.
Is júzinde, bul shema psihologiialyq qysym jasaýǵa negizdelgen: alaiaqtar paidalanýshynyń akkaýntqa qoljetimdilikti joǵaltyp alý qorqynyshyn paidalanyp, ony asyǵys áreket jasaýǵa itermeleidi.
Batyrmany basqannan keiin paidalanýshy Telegram-botqa nemese jalǵan paraqshaǵa baǵyttalady. Ol jerde SMS arqyly nemese messendjerden kelgen rastaý kodyn engizý suralady.
Is júzinde akkaýntty joiýdy boldyrmaityn eshqandai rásim joq. Kodty engizý arqyly paidalanýshy alaiaqtarǵa óz akkaýntyna qoljetimdilikti óz qolymen beredi.
Este saqtańyz: Telegram-nyń resmi qoldaý qyzmeti eshqashan paidalanýshylardan úshinshi tarap bottary nemese kúmándi siltemeler arqyly rastaý kodtaryn, qupiiasózderdi nemese akkaýntqa kirýge qajetti ózge de derekterdi suramaidy.
Akkaýntty baqylaýǵa alǵannan keiin alaiaqtar hat-habarlardy oqýǵa, jeke derekterge qoljetimdilik, akkaýnt iesiniń atynan habarlamalar jiberýge, kontakttardan aqsha aýdarýdy suraýǵa, akkaýntty basqa alaiaqtyq shabýyldar úshin paidalanýǵa múmkindik alady.
Alaiaqtyq habarlamanyń negizgi belgileri:
- jiberýshi ózin qoldaý qyzmetiniń ókili retinde tanystyrady, biraq resmi rastalǵan mártebesi joq;
- habarlamada shuǵyl túrde silteme arqyly ótýdi nemese botty paidalanýdy talap etedi;
- paidalanýshydan SMS nemese Telegram arqyly kelgen rastaý kodyn engizýdi suraidy;
- akkaýntty joǵaltý qaýpi men asyǵystyq sezimin qalyptastyrady;
- habarlama jiberýshiniń akkaýnty jaqynda qurylǵan, ataýyn ózgertken nemese kúmándi belgileri bar;
- mátinde oǵash tujyrymdar, qateler nemese kúmándi siltemeler kezdesedi.
Akkaýntty qorǵaý úshin kelesi is-sharalar usynylady:
- rastaý kodtary men qupiiasózderdi eshkimge habarlamańyz;
- kúmándi habarlamalardaǵy siltemelerge ótpeńiz;
- Telegram derekterin bógde paraqshalarda nemese bottarda engizbeńiz;
- qosymshanyń baptaýlarynda eki kezeńdi aýtentifikatsiiany qosyńyz;
- «Qurylǵylar» bólimindegi belsendi seanstardy turaqty túrde tekserińiz;
- belgisiz nemese kúmándi qosylymdardy aiaqtańyz;
- aqparatty tek Telegram-nyń resmi arnalarynan jáne baptaýlarynan alyńyz.
Alaiaqtar qorqynysh pen asyǵystyqqa senim artady. Sabyr saqtańyz: aqparatty tekserýge ketken birneshe minýt akkaýntyńyzdy, jeke derekterińizdi jáne jaqyndaryńyzdy yqtimal ziiannan qorǵaýǵa kómektesedi.
