قازىرگى تاڭدا زىرياندا 1000 تارتا ازامات ءۇي كەزەگىندە تۇر. وتكەن جىلى 25 جىل ىشىندە 60 پاتەرلى تۇرعىن ءۇيدىڭ قۇرىلىسى باستالعان ەدى. بيىل كۇزدە ول قولدانىسقا بەرىلىپ، تۇرعىندار قونىس تويىن تويلايدى. قازىرگى تاڭدا تاعى ءبىر 60 پاتەرلى ءۇيىڭ جوبالىق-سمەتالىق قۇجاتى تۇزەتۋدەن ءوتىپ جاتىر.
اۋدان اكىمىنىڭ ەسەپتىك جيىنىندا ءسوز العان ايماق باسشىسى سونداي-اق، جەكە تۇرعىن ءۇي سالعىلارى كەلەتىندەر ءۇشىن 20 سوتتىق جەر تەلىمى بەرىلەتىنىن جەتكىزدى. ايتا كەتۋ كەرەك، بۇگىندە «نۇرلى جەر» باعدارلاماسى بويىنشا ءبىر ستيلدە جەكە تۇرعىن ۇيلەردى سالۋ قاراستىرىلعان.
– ءبىز تاعى 100 پاتەرلى ءۇي سالۋ ءۇشىن قاراجات بەرۋگە ءازىرمىز. ونىڭ قۇنى شامالى 800 ملن. تەڭگە. بۇل قۇرىلىس كەشەنىنە سەرپىن بەرەرى ءسوزسىز. جىل سايىن قالاعا تىم بولماعاندا 100 پاتەرلى ءۇي سالىپ وتىرۋىمىز كەرەك. بۇدان بولەك جەكە ءتۇرعىن-ۇي قۇرىلىسىن دا دامىتامىز. ول ءۇشىن 20 سوتتتىققا دەيىن جەر تەلىمىن بولۋگە رۇقسات بەردىم، – دەدى شقو اكىمى دانيال احمەتوۆ.
جەكە تۇرعىن ءۇي سالۋ ءۇشىن بۇگىندە اۋداندا ءتيىستى اۋماق بەكىتىلگەن. قاجەتتى ينجەنەرلىك كوممۋنيكاسيا جەلىلەرى تارتىلۋدا. 11 ءۇيدىڭ دايىن تيپتىك جوباسىن دا بەرەدى جەرگىلىكتى بيلىك. باعدارلاماعا كەز-كەلگەن نيەتتى ازامات پەن تۇرعىن ءۇي جيناق بانكىنىڭ سالىمشىلارى قاتىسا الادى.
شقو اكىمىنىڭ باسپا ءسوز قىزمەتى
https://dalanews.kz/22146
