Ákim Zyrianǵa jyl saiyn 100 páter salýǵa ýáde berdi
Qazirgi tańda Zyrianda 1000 tarta azamat úi kezeginde tur. Ótken jyly 25 jyl ishinde 60 páterli turǵyn úidiń qurylysy bastalǵan edi. Biyl kúzde ol qoldanysqa berilip, turǵyndar qonys toiyn toilaidy. Qazirgi tańda taǵy bir 60 páterli úiiń jobalyq-smetalyq qujaty túzetýden ótip jatyr.
Aýdan ákiminiń eseptik jiynynda sóz alǵan aimaq basshysy sondai-aq, jeke turǵyn úi salǵylary keletinder úshin 20 sottyq jer telimi beriletinin jetkizdi. Aita ketý kerek, búginde «Nurly jer» baǵdarlamasy boiynsha bir stilde jeke turǵyn úilerdi salý qarastyrylǵan.
– Biz taǵy 100 páterli úi salý úshin qarajat berýge ázirmiz. Onyń quny shamaly 800 mln. teńge. Bul qurylys keshenine serpin bereri sózsiz. Jyl saiyn qalaǵa tym bolmaǵanda 100 páterli úi salyp otyrýymyz kerek. Budan bólek jeke turǵyn-úi qurylysyn da damytamyz. Ol úshin 20 sotttyqqa deiin jer telimin bólýge ruqsat berdim, – dedi ShQO ákimi Danial Ahmetov.
Jeke turǵyn úi salý úshin búginde aýdanda tiisti aýmaq bekitilgen. Qajetti injenerlik kommýnikatsiia jelileri tartylýda. 11 úidiń daiyn tiptik jobasyn da beredi jergilikti bilik. Baǵdarlamaǵa kez-kelgen nietti azamat pen turǵyn úi jinaq bankiniń salymshylary qatysa alady.
ShQO ákiminiń baspasóz qyzmeti
https://dalanews.kz/22146
