مەرەكەلٸك جيىندا تٷركٸستان وبلىسىنىڭ ەكٸمٸ جانسەيٸت تٷيمەباەۆ ٶڭٸردەگٸ بارلىق جوعارى وقۋ ورىندارىنىڭ ٷزدٸك تٷلەكتەرٸنە سالتاناتتى تٷردە ديپلوم تاپسىرىپ, ولاردى تٷركٸستان قالاسىندا جۇمىس ٸستەۋگە شاقىردى. بيىل تٷركٸستان قالاسىنىڭ وبلىس ورتالىعى بولۋىنا وراي 300 جاس مامانعا «جاستار پراكتيكاسى» باعدارلاماسى ارقىلى جۇمىس ۇسىنىلىپ وتىر. وعان وبلىستىق بيۋدجەتتەن ارنايى قارجى بٶلٸنەدٸ.
سونىمەن قاتار, وبلىستاعى 94 كوللەدجدە 109 ماماندىق بويىنشا 74176 ستۋدەنت بٸلٸم الادى (ونىڭ ٸشٸندە 43 مەملەكەتتٸك كوللەدجدە 38701 ستۋدەنت, 51 جەكەمەنشٸك كوللەدجدە 35475 ستۋدەنت). ولاردىڭ مەملەكەتتٸك تاپسىرىسپەن وقيتىنى — 34592, ياعني,46,66 پايىزدى قۇرايدى. بيىل كوللەدجدەردٸ 96 ماماندىق بويىنشا 21249 ستۋدەنت بٸتٸرٸپ, ەلٸمٸزدٸڭ ەكونوميكاسىن ٶركەندەتۋگە ٷلەستەرٸن قوسپاق.كوللەدجدەردٸ بٸتٸرۋشٸ تٷلەكتەردٸڭ سوڭعى ٷش جىلدا جۇمىسپەن قامتىلۋ كٶرسەتكٸشٸ 2015 جىلى - 88,6 پايىزدى, 2016 جىلى 86,2 پايىزدى قۇراسا, 2017 جىلى 80,7 پايىزدى قۇرادى.
سالتاناتتى ديپلوم تابىستاۋ رەسٸمٸنە حالىقارالىق, رەسپۋبليكالىق, وبلىستىق دەڭگەيدەگٸ بٸلٸم, عىلىم, مەدەنيەت پەن سپورت سالاسىنداعى بايقاۋلار مەن جارىستاردا ەرەكشەلەنٸپ, وقۋ ٷلگەرٸمٸ «ٶتە جاقسى» دەگەن GPA بالى كەمٸندە 3.67-دەن تٶمەن ەمەس ٷزدٸك 300 تٷلەك ماراپاتتالدى. بٸتٸرۋشٸ تٷلەكتەر ارنايى قىزىل كٸلەمشەمەن جٷرٸپ ٶتٸپ, ارنايى ديپلوم مەن تٶسبەلگٸگە يە بولدى.
سالتاناتتى كەشتە وبلىس ەكٸمٸمەن قاتار وبلىستىق ماسليحاتتىڭ دەپۋتاتتارى, زييالى قاۋىم ٶكٸلدەرٸ, جوو باسشىلارى, مەتسەناتتار مەن كەسٸپكەرلەر دەقاتىسىپ, ٷزدٸك تٷلەكتەرگە ديپلوم تاپسىردى. جاس مامانداردىڭ ەلگە ادال قىزمەت ەتٸپ, بيٸكتەردەن كٶرٸنەتٸنٸنە سەنٸم بٸلدٸردٸ.
وبلىس ەكٸمدٸگٸنە قاراستى «جاستار رەسۋرستىق ورتالىعى» ۇيىمداستىرعان ٸس-شارا استانا قالاسىنىڭ 20 جىلدىق مەرەيتويىنا ارنالدى. مەرەكەلٸك باعدارلامادا وبلىسقا جەنە ەلٸمٸزگە تانىمال ٶنەر جۇلدىزدارى ٶنەر كٶرسەتتٸ. ٸس-شارا سوڭى وتشاشۋمەن اياقتالدى.
