"مايقايىڭ" التىن كەنٸشٸندەگٸ اپاتتا ٸس-تٷزسٸز جوعالعان ەكٸ قۇتقارۋشىنىڭ تۋىستارى ٸزدەستٸرۋ جۇمىستارىن جالعاستىرۋدى تالاپ ەتٸپ جاتىر. قارا جامىلعان وتباسىلار جاقىندارىنىڭ ەندٸ تٸرٸ تابىلاتىنىنا سەنبەيدٸ. تٸپتٸ ٷمٸتٸن ٷزگەندەرٸن دە ايتىپ وتىر, - دەپ حابارلايدى Dalanews.kz كتك تەلەارناسىنا سٸلتەپ.
ەڭ بولماسا دەنەلەرٸن جەر بەتٸنە شىعارىپ, اقتىق ساپارعا شىعارىپ سالساق دەيدٸ. الايدا كومبينات باسشىلارى ٸزدەستٸرۋدٸڭ قاشان باستالاتىنىن ايتا الماي وتىر.
"مايقايىڭ" كەنٸشٸندە اپات بولعانىنا ەكٸ ايدان اسا ۋاقىت ٶتتٸ. بٸراق جەر استىنا تٷسٸپ كەتكەن ەكٸ قۇتقارۋشىنىڭ دەنەسٸ سول كٷيٸ تابىلعان جوق. 36 جاستاعى ايدوس شايمەردەن مەن 55 جاستاعى جٷرگٸزۋشٸ ايىپ تٸلەۋبەرگەنوۆتٸڭ تۋىستارى ٸزدەۋ جۇمىستارىنىڭ جالعاستىرىلۋىن تالاپ ەتٸپ وتىر.
"بٸزدٸڭ بار تٸلەگٸمٸز – سٷيەگٸن الۋىمىز. ادام سيياقتى جەرلەپ, جەر قويناۋىنا تاپسىرۋ. ەرتەڭ مەن ونىڭ بالالارىن قاي جەرگە اپارامىن? "پاپام قاي جەردە جاتىر?" دەسە, قاي جەرگە اپارامىن? توپىراقتىڭ استىندا قالدى دەيمٸن بە? قاي توپىراقتىڭ استىندا قالعانىن دا بٸلمەيمٸز. بالالارىنا نە دەپ ايتامىن? سول ٷشٸن باۋىرىمنىڭ سٷيەگٸن الىپ بەرۋدٸ تالاپ ەتەمٸن", - دەيدٸ ايتجان قايكينا.
وسىدان بٸرنەشە اپتا بۇرىن كەن بايىتۋ فابريكاسى جۇمىسىن سەۋٸر ايىنا دەيٸن ۋاقىتشا توقتاتقانىن مەلٸمدەگەن ەدٸ. بۇعان قورداعى التىن رۋداسىنىڭ تاۋسىلۋى سەبەپ بولدى. الايدا بٸر اپتا ٶتەر-ٶتپەستەن كومبيناتتاعى جۇمىس جانداندى. ال ٷيٸندٸ استىندا قالعان قۇتقارۋشىلاردى ٸزدەۋ سول كٷيٸ توقتاعان. سەبەبٸ وپىرىلعان جەردٸ زەرتتەگەن ارنايى كوميسسييا بوس شۇڭقىرلاردى انىقتاعاندا توپىراقتىڭ وپىرىلۋ قاۋپٸ جوعارى ەكەنٸن انىقتادى. الايدا قايعىدان قان جۇتقان وتباسىلار اۆتوبۋستى ەش كەدەرگٸسٸز الىپ شىعۋعا مٷمكٸندٸك بار دەيدٸ. ولاردىڭ ايتۋىنشا, ٸزدەۋ جۇمىسى قاۋٸپكە ەمەس, قاراجاتقا بايلانىستى توقتاعان ەكەن.
"باس ديرەكتور ٶزٸ ايتتى: "مەن بۇل جاعدايدى شەشە المايمىن, بٸزدە قاراجات جوق" دەدٸ. الدىندا جوبالاۋشىلار كەلدٸ. ولارعا 140 ميلليون تٶلەۋ كەرەك بولدى. سونى بۇل كٸسٸلەر "ونداي قاراجات جوق" دەپ, باس تارتىپ وتىر", - دەيدٸ كەنجەباي قايكين.
قوس قۇتقارۋىشىنىڭ تۋىستارى باس ديرەكتور قۋانىش بوتينمەن كەزدەسپەككە كٷن سايىن كومبيناتتىڭ الدىنا جينالادى. ولاردىڭ ايتۋىنشا, ەكٸ اي ٸشٸندە باسى داۋعا قالعان كەسٸپورىن باسشىسىمەن مٷلدەم جٷزدەسپەگەن. قايعىلى جاعدايدان 70 كٷن ٶتكەن سوڭ كەسٸپورىن ديرەكتورىمەن العاش كەزدەسكەن وتباسىلار باسشىنى سۇراقتىڭ استىنا العانى سول ەدٸ, جاۋاپ قايىرا الماعان ديرەكتور كەتٸپ قالدى.
"مٸنە, ەكٸ ايدان استى, ول كٸسٸنٸڭ تٷرٸن ەندٸ كٶرٸپ وتىرمىن. ەكٸ ايدىڭ ٸشٸندە بٸر رەت كەلگەن ەمەس. كەشە ەكٸمدٸكتە جينالىس بولدى, ال ول كٸسٸ تاعى جوق. باس ديرەكتور ەمەس پە? "مايقايىڭ التىننان" ەشقانداي ٶكٸل كەلمەيدٸ. تۋىستارعا ەشكٸم ەشنەرسە تٷسٸندەرمەيدٸ. وسىلاي ات-تونىن الا قاشادى. جاۋاپكەرشٸلٸكتٸ بۇلار دا, جۇمىس ورنى دا العىسى كەلمەيدٸ. بٸر-بٸرٸنە سٸلتەيدٸ. بۇل جۇمىستى بٸرەۋ باستاۋ كەرەك قوي", - دەيدٸ قۇتقارۋشىنىڭ جۇبايى جانسۇلۋ شەيمەردەن.
ايدوس شايمەردەن مەن ايىپ تٸلەۋبەرگەنوۆتٸڭ دەنەسٸن ٸزدەۋ جۇمىسى قاشان قولعا الىنارى بەلگٸسٸز. قايعى جۇتقان قوس ازاماتتىڭ تۋىستارى كومپانييا باسشىلىعىنىڭ شەشٸمٸن كٷتٸپ وتىر. ٸزدەۋدٸ جالعاستىرۋدى تالاپ ەتٸپ وتىرعان وتباسىلار قۇتقارۋشىلاردىڭ دەنەسٸن تابۋ ٷشٸن سوڭىنا دەيٸن بارۋعا بەكٸنٸپ وتىر.
