ءداستۇرلى ءانشى، ونەرتانۋشى ەرلان تولەۋتاي 60 جىل بويى "قازاقتى سورلاتقاندار" كىمدەر ەكەنىن اتادى، - دەپ حابارلايدى Dalanews.kz.
بۇعان دەيىن مادەنيەت سالاسىنىڭ بىلگىرى ەرلان تولەۋتاي قونايەۆ تۋرالى ايتقاندارى ءۇشىن سىنعا قالعان ەدى، ءتىپتى سوتتاسقىسى كەلگەندەر دە بولعان.
"12 قاڭتار ماقالالار شىعا باستايدى: "قونايەۆىم-اي، دانىشپانىم-اي، كەمەڭگەرىم-اي". قونايەۆتان كۋلت جاساۋ ءالى جالعاسىپ جاتىر. ءبىر كۇش ءبىر كۇشتى تۋدىرادى. قونايەۆ قازاققا اسا ءبىر جاقسىلىق جاساعان ادام ەمەس. ەسكى قازاقستاننىڭ وكىلى نازاربايەۆ 30 جىل بيلەدى. ارعى جاعىندا بيلىككە الىپ كەلگەن ۇستازى قونايەۆ قوي. قاراعاندىدا نازاربايەۆتى الىپ كەلگەن 5 ادام بولعان.
قاراسام، قونايەۆ بيلىگى 30 جىلعا سوزىلعان، شيرەك عاسىر. اراسىندا كولبيننىڭ 1-2 جىل جۇرگەنى بار. سوندا بۇل ەكى ادام 60 جىل بيلىك قۇرعان. اكەلى-بالالى قازاقتى سورلاتقان. قازاقتى سورلاتىپ كەتپەي نەمەنە؟! نازاربايەۆتى سول الىپ كەلدى. نەگە اۋەلبەكوۆتى الىپ كەلمەدى؟ 60 جىل دەگەن - ءبىر زامان. مۇنى قازاق "كىشى زامان" دەيدى. ءۇش ءجۇز جىلدى "ۇلى زامان" دەيدى.
...قازاقستانداعى 750 مەكتەپتى جاپقان - قونايەۆ. قازاقستاندى يادرولىق پوليگونعا اينالدىرعان - قونايەۆ. ابايدىڭ جەرىندە، تايسويعاندا. 15 وداقتاس رەسپۋبليكادا پوليگونعا اينالعان ءبىر-اق رەسپۋبليكا بار. بالتىق بويىنا بارىڭىز، ءبىر پوليگون جوق. قونايەۆ زامانىن زەرتتەگەن اداممىن، قونايەۆ زامانىندا قازاق قۇل بولىپ كەتتى. كرەملگە قولايلى ادام بولدى"، - دەدى Bilgen Durys ارناسى بەرگەن سۇحباتىندا.
ايتا كەتەيىك، بۇعان دەيىن دە ەرلان تولەۋتاي ەلدەگى كادر ماسەلەسىنە دە توقتالدى. ونىڭ ايتۋىنشا، بيلىك ار-ۇياتى بيىك ادامدارعا مۇقتاج.
"ءقازىر نازاربايەۆتىڭ كادرلارى كەلىپ جاتىر. ولاردا ۇجدان جوق. تەك ىلدىم-جىلدىم. تۇك بىلمەيتىن ستاندارت ادامدار. نە ءوندىرىستى بىلمەيدى، نە كىسىلىك قارىم-قاتىناس جوق. باسقارۋدى بىلمەيدى، ۇيىمداستىرۋشىلىق قابىلەتى جوق.
...ءقازىر ىلدىم-جىلدىمدار، كوز ويناعاندار، جىرپىلداعاندار، وتىرىك سويلەيتىندەر - سولار كەلىپ جاتىر. كادر ساياساتى دا وتە قيىن جاعدايدا. ويتكەنى نازاربايەۆقا ەلىكتەپ وسكەن بۋىن سول سياقتى سويلەيدى، جۇرەدى، سول سياقتى كوزىن الاقتاتادى، سول سياقتى ەكىلەنىپ سويلەيدى. وسى تۇرعىدان كەلگەندە وزگەرىس جوق. بيلىككە ۇجداندى ادامدار كەلۋى كەرەك"، - دەيدى قازاق ونەرىنىڭ جاناشىرى ASSYLTAS TV-عا بەرگەن سۇحباتىندا.
