Air Astana اۋە كومپانياسىنىڭ باس ديرەكتورى اۋىستى، دەپ حابارلايدى Dalanews.kz.
كومپانيانى ۇزاق جىل باسقارعان پيتەر فوستەر قىزمەتىنەن كەتتى. 1 ساۋىردەن باستاپ ونىڭ ورنىنا يبراحيم جانلىەل تاعايىندالدى.
باسشىلىق اۋىساتىنى تۋرالى وتكەن جىلى-اق حابارلانعانىمەن، شەشىم ەندى عانا رەسمي تۇردە كۇشىنە ەندى.
كومپانيا مالىمەتىنشە، جاڭا CEO نەگىزگى نازاردى وپەراسيالىق تيىمدىلىكتى ارتتىرۋعا جانە تۇراقتى ءوسىمدى قامتاماسىز ەتۋگە باعىتتايدى.
يبراحيم جانلىەل بۇل تاعايىنداۋعا دەيىن 2017 جىلدان بەرى قارجى ديرەكتورى قىزمەتىن اتقارعان. جالپى العاندا، ول 14 جىلدان استام ۋاقىت بويى كومپانيانىڭ دامۋ ستراتەگياسىن ايقىنداعان باسقارۋشى كوماندا قۇرامىندا بولدى.
