بۇگىندە تۇركىستان قالاسىنىڭ جالپى ىشكى ءونىمى (ءجىو) 108 ميلليارد تەڭگەدەن استى. ونىڭ ىشىندە اۋىل شارۋاشىلىعىنىڭ ۇلەسى – 40 پايىزدى، كاسىپكەرلىك – 14، قىزمەت كورسەتۋ سالالارى – 34،4، قۇرىلىس سالاسى 11 پايىزدى قۇراپ وتىر. نەگىزى، شاھاردىڭ دامۋىندا 3 باعىت – اۋىل شارۋاشىلىعى، ونەركاسىپ جانە تۋريزم ماڭىزدى ءرول وينايدى. سول سەبەپتى قالانىڭ دامۋ تۇجىرىمداماسىن وسى سالالارعا نەگىزدەلگەن.

ەلباسى ءوزىنىڭ جولداۋىندا، اسىرەسە، اۋىل شارۋاشىلىعى ءوندىرىسىن الداعى 5 جىلدا 2،5 ەسەگە ۇلعايتۋدى تاپسىرعان-دى. جولداۋدا جۇكتەلگەن مىندەتتىڭ ۇدەسىنەن شىعۋ وڭاي شارۋا ەمەس. سوندىقتان قالا باسشىلارى اگروسەكتوردا اۋقىمدى تىرلىكتەردى قولعا الۋدا.

ءبىرىنشى كەزەكتە جاڭا يننوۆاسيالىق جوبالاردى ەنگىزۋگە باسا ءمان بەرىلۋدە. اگروتەحنيكالىق شارالاردى ءوز دەڭگەيىندە ۇيىمداستىرۋ مەن ەگىستىكتىڭ بارلىعىن ساپالى تۇقىممەن قامتاماسىز ەتۋگە، قايتا وڭدەيتىن سەحتاردى اشۋ مەن اينالىمعا جاڭا سۋارمالى جەرلەردى قوسۋعا قاتىستى كوپتەگەن جوسپارلار بەكىتىلگەن.

وسىلايشا بيىل جىو-دەگى اۋىل شارۋاشىلىعىنىڭ ۇلەسىن 58 ميلليارد تەڭگەگە جەتىپ، ءبىر جىلدا 14 ميلليارد تەڭگە قول جەتتى

 

Dalanews.kz