وتاندىق اۋىلشارۋاشىلىق تەحنيكاسىن ءوندىرۋشى «AGROMASH» زاۋىتى شىعىندى ءوز موينىنا الىپ، قازاقستاندىق فەرمەرلەردى قولداۋ ماقساتىندا باعانى تومەندەتۋگە شەشىم قابىلدادى. كومپانيا بىلاي دەپ تۇيىندەدى: «ءبىز ءبىر ەلدە تۇرامىز جانە جۇمىس ىستەيمىز، ەگەر ءبىز وندىرۋشىلەر وسىنداي قيىن ۋاقىتتا كومەك كورسەتپەسەك كىم كومەكتەسەدى».

اۋىل شارۋاشىلىعىنداعى وتكەن قيىن ماۋسىم مەن بيىلعى سۋ تاسقىنىنىڭ سالدارى ەگىس ناۋقانى قارساڭىندا اۋىل شارۋاشىلىعى تاۋارىن وندىرۋشىلەردىڭ جاعدايىن قيىنداتىپ وتىر. وندىرۋشىلەر اتاپ وتكەندەي، ولاردىڭ الدىندا تۇرعان ماڭىزدى مىندەت – قازاقستاندا جاسالعان سەنىمدى جانە قولجەتىمدى تەحنيكانى ۇسىنۋ ارقىلى فەرمەرلەرگە سوڭعى جىلدارداعى قيىندىقتاردى جەڭۋگە كومەكتەسۋ.

– بۇگىنگى تاڭدا كوپتەگەن شارۋاشىلىقتار سۋ تاسقىنى سالدارىنان قيىن جاعدايعا تاپ بولعان قازاقستاندىق فەرمەرلەرگە بارىنشا كومەكتەسۋ ماڭىزدى ەكەنىن تۇسىنەمىز. تابيعات اپاتىنان گورى حالىقتىڭ بىرلىگى الدەقايدا كۇشتى. ءبىز وتاندىق ءوندىرۋشى رەتىندە شەتتە قالا المايمىز، سوندىقتان كومپانيانىڭ سەرىكتەس برەند يەلەرى «گومسەلماش» ااق جانە «Weichai Lovol Intelligent Agricultural Technology Co.، Ltd» بىرگە شىعىنداردىڭ ءبىر بولىگىن الىپ، تەحنيكا باعاسىن تومەندەتۋ تۋرالى شەشىم قابىلدادى. سونىمەن قاتار، وسى شەشىمگە بايلانىستى ءبىزدىڭ زاۋىت بيىل ينۆەستيسيالىق شىعىنداردى قىسقارتىپ وتىر، – دەدى كوممەرسيالىق ديرەكتور نيكولاي پارحومەنكو.

«قازاگروقارجى» كومپانياسىنىڭ قولداۋىمەن فەرمەرلەر ءۇشىن قيىن كەزەڭدە زاۋىت ESSIL جانە LOVOL كومبايندارىنىڭ باعاسىن 15%-عا تومەندەتەدى.

باعدارلاما 19 ساۋىردە باستالادى. بارلىق سۇراقتار بويىنشا قازاقستاننىڭ اۋىلشارۋاشىلىق تاۋار وندىرۋشىلەرى ءوز ايماقتارىنداعى AGROMASH زاۋىتىنىڭ فيليالدارى مەن «قازاگروقارجى» كومپانياسىنا حابارلاسا الادى.