«Dara» پرەزيدەنتتٸك باستامالار قورى «Karga Seven Pictures» كينوستۋديياسىمەن بٸرلەسە شىڭعىس حاننىڭ ٷلكەن ۇلى جوشى حاننىڭ ٶمٸرٸنە ارنالعان التى سەرييادان تۇراتىن اعىلشىن تٸلٸندەگٸ گيبريدتٸ دەرەكتٸ-درامالىق تەلەحيكايا تٷسٸرۋدٸ باستادى. بۇل تۋرالى «Dara» پرەزيدەنتتٸك باستامالار قورىنىڭ باسپاسٶز قىزمەتٸ مەلٸمدەدٸ, - دەپ حابارلايدى Dalanews.kz.
تۋىندى التىن وردا يمپەريياسىنىڭ دامۋ كەزەڭدەرٸ جوشى حاننىڭ ٶمٸرٸنٸڭ تاريحى نەگٸزٸندە تٷسٸرٸلەدٸ.
تەلەحيكايانىڭ پروديۋسەرٸ كرەاتيۆتٸ ديرەكتورى ەمرە شاحين جەتەكشٸلٸك ەتەتٸن «Karga Seven Pictures» كومپانيياسى. تٷسٸرٸلٸم 2024 جىلدىڭ كٷزٸندە قازاقستان مەن تٷركييادا باستالادى دەپ جوسپارلانۋدا.
Karga Seven Pictures Netflix ٷشٸن 90-نان استام ەلدە ٷزدٸك 10-تەلەحيكاياعا اينالعان Rise of Empires: Ottoman جەنە Testament: The Story of Moses حيكايالارى سيياقتى ٸرٸ تاريحي دەرەكتٸ درامالاردى تٷسٸردٸ.
«جوشى حاننىڭ ٶمٸر تاريحى كەرەمەت ەپيكالىق, ول دٷنيە جٷزٸندەگٸ كٶرەرمەندەردٸ قىزىقتىرارى سٶزسٸز. وسى اۋقىمدى تاريحي جوبانى جٷزەگە اسىرۋدا «Dara» قورىمەن بٸرلەسٸپ, جۇمىس جاساۋ بٸز ٷشٸن ٷلكەن مەرتەبە», – دەپ اتاپ ٶتتٸ Karga Seven Pictures كرەاتيۆتٸ ديرەكتور ەمرە شاحين.
2024 جىلى جوشى ۇلىسىنىڭ قۇرىلعانىنا 800 جىل تولادى. وسى اتاۋلى كٷنگە ارنالعان تاريحي دەرەكتٸ جوبا مەملەكەتتٸگٸمٸزدٸڭ سان عاسىرلىق تامىرىن كٶرسەتەدٸ.
جاپپاي اۋديتوريياعا ارنالعان دەرەكتٸ-دراما ۇلتتىق تاريحتى كەڭٸنەن ناسيحاتتاۋعا, قازاق حالقىنىڭ ۇلى تاريحىن تانۋعا, حالىقارالىق اۋديتورييانىڭ قازاقستانعا دەگەن قىزىعۋشىلىعىن ارتتىرۋعا سەپتٸگٸن تيگٸزەدٸ.
