«Dara» prezidenttik bastamalar qory «Karga Seven Pictures» kinostýdiiasymen birlese Shyńǵys hannyń úlken uly Joshy hannyń ómirine arnalǵan alty seriiadan turatyn aǵylshyn tilindegi gibridti derekti-dramalyq telehikaia túsirýdi bastady. Bul týraly «Dara» Prezidenttik bastamalar qorynyń baspasóz qyzmeti málimdedi, - dep habarlaidy Dalanews.kz.
Týyndy Altyn Orda imperiiasynyń damý kezeńderi Joshy hannyń ómiriniń tarihy negizinde túsiriledi.
Telehikaianyń prodiýseri kreativti direktory Emre Shahin jetekshilik etetin «Karga Seven Pictures» kompaniiasy. Túsirilim 2024 jyldyń kúzinde Qazaqstan men Túrkiiada bastalady dep josparlanýda.
Karga Seven Pictures Netflix úshin 90-nan astam elde úzdik 10-telehikaiaǵa ainalǵan Rise of Empires: Ottoman jáne Testament: The Story of Moses hikaialary siiaqty iri tarihi derekti dramalardy túsirdi.
«Joshy hannyń ómir tarihy keremet epikalyq, ol dúnie júzindegi kórermenderdi qyzyqtyrary sózsiz. Osy aýqymdy tarihi jobany júzege asyrýda «Dara» qorymen birlesip, jumys jasaý biz úshin úlken mártebe», – dep atap ótti Karga Seven Pictures kreativti direktor Emre Shahin.
2024 jyly Joshy Ulysynyń qurylǵanyna 800 jyl tolady. Osy ataýly kúnge arnalǵan tarihi derekti joba memlekettigimizdiń san ǵasyrlyq tamyryn kórsetedi.
Jappai aýditoriiaǵa arnalǵan derekti-drama ulttyq tarihty keńinen nasihattaýǵa, qazaq halqynyń uly tarihyn tanýǵa, halyqaralyq aýditoriianyń Qazaqstanǵa degen qyzyǵýshylyǵyn arttyrýǵa septigin tigizedi.
