ٶتكەن جىلدىڭ 11 جەلتوقسانىندا اتىراۋ وبلىسى ەكٸمٸنٸڭ ورىنباسارى حامەنوۆانىڭ ۇستالعان ەدٸ. ول 2022 جىلدىڭ 22 جەلتوقساندا ۋاقىتشا ۇستاۋ يزولياتورىنا قامالعان-دى. الايدا, سودان بەرٸ تەرگەۋ تۋرالى ەشتەڭە بەلگٸسٸز.
سىبايلاس جەمقورلىققا قارسى قىزمەت بۇل ٸس ەلٸ تەكسەرٸلٸپ جاتقانىن حابارلادى.
– اگەنتتٸك اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆاعا قاتىستى قىلمىستىق كودەكستٸڭ 366-بابى 3-بٶلٸگٸنٸڭ 2-تارماعى بويىنشا الدىن الا سٶز بايلاسۋ بويىنشا ادامدار توبىندا قوماقتى مٶلشەردە پارا الۋ دەرەگٸ بويىنشا قىلمىستىق ٸستٸ تەرگەپ جاتىر. قازٸرگٸ ۋاقىتتا حامەنوۆا قاماۋدا وتىر, – دەدٸ ۆەدومستۆو ٶكٸلٸ.
اگەنتتٸك قىلمىستىق ٸس جٷرگٸزۋ كودەكسٸنٸڭ 201-بابىنىڭ 1-بٶلٸگٸنە سەيكەس سوتقا دەيٸنگٸ تەرگەپ-تەكسەرۋ دەرەكتەرٸ جارييا ەتٸلۋگە جاتپايتىنىن اتاپ ٶتتٸ.
– ەگەر بۇل تەرگەۋ مٷددەلەرٸنە قايشى كەلمەسە جەنە باسقا ادامداردىڭ قۇقىقتارى مەن زاڭدى مٷددەلەرٸن بۇزۋمەن بايلانىستى بولماسا, ولار پروكۋروردىڭ رۇقساتىمەن, ول مٷمكٸن دەپ سانايتىن شامادا عانا جارييا ەتٸلۋٸ مٷمكٸن. جوعارىدا ايتىلعانداردىڭ نەگٸزٸندە, سونداي-اق سٸزدٸڭ قىلمىستىق پروتسەسكە قاتىسۋشى ەمەس ەكەنٸڭٸزدٸ ەسكەرە وتىرىپ, ب.ك. حامەنوۆاعا قاتىستى سوتقا دەيٸنگٸ تەرگەپ-تەكسەرۋ تۋرالى باسقا مەلٸمەتتەر جارييالانبايدى, – دەدٸ قىلمىستىق ٸس جٷرگٸزۋ باسقارماسىنىڭ باستىعى قانات سٷلەيمەنوۆ Tengrinews.kz تٸلشٸسٸنە جاۋاپ بەرگەن.
باقىتگٷل حامەنوۆا 2020 جىلدىڭ 13 ناۋرىزىندا وبلىس ەكٸمٸنٸڭ ورىنباسارى بولىپ تاعايىندالدى. بۇعان دەيٸن VI شاقىرىلىمداعى پارلامەنت مەجٸلٸسٸنٸڭ دەپۋتاتى بولعان.
