Ótken jyldyń 11 jeltoqsanynda Atyraý oblysy ákiminiń orynbasary Hamenovanyń ustalǵan edi. Ol 2022 jyldyń 22 jeltoqsanda ýaqytsha ustaý izoliatoryna qamalǵan-dy. Alaida, sodan beri tergeý týraly eshteńe belgisiz.
Sybailas jemqorlyqqa qarsy qyzmet bul is áli tekserilip jatqanyn habarlady.
– Agenttik Atyraý oblysy ákiminiń orynbasary Baqytgúl Hamenovaǵa qatysty Qylmystyq kodekstiń 366-baby 3-bóliginiń 2-tarmaǵy boiynsha aldyn ala sóz bailasý boiynsha adamdar tobynda qomaqty mólsherde para alý deregi boiynsha qylmystyq isti tergep jatyr. Qazirgi ýaqytta Hamenova qamaýda otyr, – dedi vedomstvo ókili.
Agenttik Qylmystyq is júrgizý kodeksiniń 201-babynyń 1-bóligine sáikes sotqa deiingi tergep-tekserý derekteri jariia etilýge jatpaitynyn atap ótti.
– Eger bul tergeý múddelerine qaishy kelmese jáne basqa adamdardyń quqyqtary men zańdy múddelerin buzýmen bailanysty bolmasa, olar prokýrordyń ruqsatymen, ol múmkin dep sanaityn shamada ǵana jariia etilýi múmkin. Joǵaryda aitylǵandardyń negizinde, sondai-aq sizdiń qylmystyq protseske qatysýshy emes ekenińizdi eskere otyryp, B.K. Hamenovaǵa qatysty sotqa deiingi tergep-tekserý týraly basqa málimetter jariialanbaidy, – dedi Qylmystyq is júrgizý basqarmasynyń bastyǵy Qanat Súleimenov Tengrinews.kz tilshisine jaýap bergen.
Baqytgúl Hamenova 2020 jyldyń 13 naýryzynda oblys ákiminiń orynbasary bolyp taǵaiyndaldy. Buǵan deiin VI shaqyrylymdaǵy Parlament Májilisiniń depýtaty bolǵan.
