ينسايدەرلەر بەرگەي رىسقالييەۆ پەن اسقار مۋسين لوندوندا نە ىستەپ جۇرگەنىن ايتتى، - دەپ حابارلايدى Dalanews.kz "رەسپۋبليكاعا" سىلتەپ.
ءقازىر اتىراۋ وبلىسىن ۇزاق جىلدار بويى باسقارعان بەرگەي رىسقالييەۆ لوندوندا تۇرىپ جاتىر. ونىڭ اعاسى امانجول رىسقالييەۆ تە سوندا بولۋى مۇمكىن.
ينسايدەرلەردىڭ دەرەگىنشە، بەرگەي رىسقالييەۆ پەن ونىڭ سىبايلاستارىنىڭ ەلدەن قاشىپ، بوسقىن بولۋىنا اسلان مۋسين كومەكتەسكەن.
2013 جىلى رىسقالييەۆتەر بيۋدجەت قاراجاتىن جىمقىرىپ، قىلمىستىق توپ قۇردى دەگەن كۇدىككە ءىلىندى.
2019 جىلى رىسقالييەۆ سىرتتاي 17 جىلعا سوتتالىپ، اعاسى امانجول 16 جىلعا سوتتالدى. ودان بولەك، مۇلىكتەرى تاركىلەندى.
رىسقالييەۆتەر ەكس پرەزيدەنتكە قوقان-لوقى كورسەتىپ جۇرگەنى تۋرالى اڭگىمەلەر 2019 جىلى شىعا باستاعان بولاتىن. سول كەزدە پابليكتەردە نازاربايەۆ لوندونداعى گايد-پاركتە ميللياردەر ۆلاديمير كيم مەن قازاقستاننىڭ ۇلىبريتانياداعى ەلشىسى ەرلان ىدىرىسوۆپەن كەتىپ بارا جاتقان ۆيدەوسىن تاراتقان بولاتىن.
كەيىننەن رىسقالييەۆتەردىڭ ادامدارى ۆلاديمير كيمنىڭ اپارتامەنتىن قورشاپ العان كادرلار رىسقالييەۆتەردىڭ قولىندا بولعان كورىنەدى.
بۇل جاعدايدى زەرتتەپ جۇرگەن ينسايدەرلەردىڭ سوزىنشە، رىسقالييەۆتەردىڭ قولىندا نازاربايەۆتىڭ ءۇشىنشى ايەلى اسەل يسابايەۆاعا قاتىستى كومپرومات بار. بۇل تۋرالى قازىرگى ءماجىلىس دەپۋتاتى ەرمۇرات باپي دە ايتقان بولاتىن.
ايتا كەتەيىك،نازاربايەۆ ءوز ءومىرى جايلى بايانداعان كىتابىندا ساياسي ايتىس-تارتىستان بولەك، جەكە ومىرىنە قاتىستى قىم-قۋىت وقيعالاردى جىپكە ءتىزىپ بەرگەن بولاتىن. ول توقالى بار (ەكىنشى وتباسى) ەكەنىن تۇڭعىش رەت مويىندايدى. اسەل يسابايەۆاعا ەس-تۇسسىز عاشىق بولعانىن ايتا كەلە، ەكەۋىنىڭ اراسىنداعى ماحاببات حيكاياسىن مايىن تامىزىپ باياندايدى.
ودان تۋعان ەكى ۇل - تاۋمان مەن بايكەننىڭ ۇرپاق ساباستىعىن جالعاپ، اۋلەتتىڭ ۇزىلگەلى تۇرعان ءۇمىتىن قايتا تىرىلتكەنىن اڭگىمەلەيدى. نازاربايەۆتىڭ قوس مۇراگەرى - ات جالىن تارتىپ مىنەر جاسقا جەتتى. تاۋمان 2005 جىلى ومىرگە كەلسە، بايكەن 2008 جىلى دۇنيە ەسىگىن اشقان.
ال اسلان مۋسين 2017 جىلى قاڭتاردا زەينەتكە شىققان كەزدەن بەرى ەۋروپادا تۇرىپ جاتىر.
"رەسپۋبليكا" ينسايدەرلەرىنىڭ سوزىنشە، ول لاتۆيادا تۇرادى. ونىڭ بۇل ەلدە تۇرۋى دا بەكەر ەمەس كورىنەدى - پرەزيدەنت اكىمشىلىگىن باسقارعان مۋسيندەر اۋلەتىنىڭ ءبىرشاما اكتيۆى بار.
كۇنى كەشە باس پروكۋراتۋرا رىسقالييەۆكە بايلانىستى جاڭا دەرەكتى ءبولىستى. باس پروكۋروردىڭ ورىنباسارى اسەت شىندالييەۆ “قازاقستاندا سوتتالعان بەرگەي رىسقالييەۆ قالايشا لوندوندا ەمىن-ەركىن ءجۇر؟” دەپ سۇراعان ب ا ق وكىلدەرىنە شىندالييەۆ ماسەلەنىڭ بۇلىڭعىر ەكەنىن ايتىپ، ەكس-شەنەۋنىكتى ەلگە جەتكىزۋ ازىرگە مۇمكىن ەمەس ەكەنىن اتاپ ءوتتى.
بۇعان دەيىن Dalanews.kz-كە پىكىر بىلدىرگەن ەكونوميست ايدار الىبايەۆ بەرگەي رىسقالييەۆتىڭ مال-مۇلكىن ماڭداي تەرىمەن تاپقانىنا كۇمان كەلتىرگەن.
"مەملەكەتتەن جىرعان 72 ملرد ءوز الدىنا، قازاقستاندا تۇرىپ 185 وبەكتىگە يەلىك ەتۋ، مۇنىڭ بارىنە ادال ەڭبەكپەن قول جەتكىزۋ مۇمكىن بە؟
البەتتە ەگەر رىسقالييەۆ مۇنىڭ ءبارىن ءوز ەڭبەگىمەن تاپسا تالاسىم جوق، ءبىراق بۇعان دالەل رەتىندە ونىڭ رەسمي تابىسىن دا جاريالاۋ كەرەك ەدى.
ال باس پروكۋرورعا ايتارىم، بۇلاي ءۇنسىز كەتۋگە بولمايدى. ىس-ارەكەتىڭىزدى ەل-جۇرتقا تۇسىندىرۋگە ءتيىسسىز. حالىق كۇتىپ وتىر. ءتىپتى نە بولعانىن دا تۇسىنبەي قالدى. تاۋەلسىز قازاقستاننىڭ تاريحىندا ءدال مۇنداي سوراقى شەشىم شىعارىلماعان!
اعايىندىلاردىڭ دۇنيە-مۇلكىن قايتارۋ تۋرالى شەشىم ونسىز دا كوپتىڭ كوڭىلى قالعان سوت جۇيەسى مەن قىلمىستىق اتقارۋ جۇيەسىنىڭ بەدەلىن قۇلدىراتا تۇسپەسە، كوتەرمەيدى" دەگەن ەدى ساراپشى.
