ەرمەك اۋرۋحانادان كەشە شىقتى. وڭ اياعىن گيپستەلگەن. «جازىم بولسا, ايرانعا تٸس سىنادى» دەگەن راس ەكەن. كٶرشٸنٸڭ ٷيٸمەن ەكٸ اراداعى شارباقتان سەكٸرٸپ اياعىن سىندىرىپ العان بولاتىن.
كٷنٸنەن ون قورشاۋدان سەكٸرٸپ, ورتەكەدەي ويقاسىپ جٷرگەن ەرمەك بٸر كٷندە مٷسەپٸر كٷيگە تٷسٸپ قالدى. نەگٸزٸ تەگٸس جەرگە تٷسسە اياعى سىنباس ەدٸ. اسىعىپ, سەكٸرە سالىپ ەدٸ. ەندٸ سونىڭ زاردامىن تارتىپ وتىر.
العاشقىدا اياعى سىنعانىن ەتقىزۋلىقپەن سەزبەي بٸراز جەر جٷرگەنٸ ەسٸندە. ودان كەيٸن سىنعان جەرٸ قاتتى اۋىرعاندا كٶزٸنەن ىستىق جاستىڭ قالاي ىرشىپ شىققانىن ٶزٸ دە بايقاماي قالدى. بۇدان كەيٸن بٸرگە الىسىپ-جۇلىسىپ ويناپ جٷرگەن دوستارى ەلجاس پەن سەۋٸربەك شاناعا سالىپ, ەرمەكتٸ وزانداتىپ ٷيٸنە الىپ كەلدٸ.
ەرمەك اۋلاسىنا جىلاپ كٸرگەندە ٷيدەگٸ اناسى جٷگٸرٸپ شىعىپ, بالاسىن اينالىپ-تولعانىپ جانىن قويارعا جەر تاپپاعان ەدٸ. دەرەۋ قيالى تەلەفونىمەن جۇمىستا جٷرگەن ەكەسٸن شاقىرىپ, اۋدان ورتالىعىنداعى اۋرۋحاناعا الىپ كەتكەن-دٸ. ول جاقتا دەرٸگەرلەر وعان ەكپە سالىپ, ۇيىقتاتىپ تاستاپ, سىنعان اياعىن قالىپقا كەلتٸرٸپ, گيپستەپ تاستادى.
ەرمەك ەسٸن جيعاندا وڭ اياعىن اۋىر تاسپەن شەگەندەپ تاستاعانىن سەزدٸ. وسىلايشا اپتادان اسا اۋرۋحانادا جاتتى. ارى-بەرٸ قوزعالۋعا مٷلدە بولمايدى. اۋراحانادا جاتقان كەزٸندە اناسى قاسىندا بولىپ, انالىق مەيٸرٸمٸن كٶرسەتتٸ.
ەندٸ بٸرنەشە كٷننەن بەرٸ كەڭ ديۆانعا كٶمٸلٸپ, تەلەدايداردىڭ الدىندا وتىر. ٷيٸنە كەلگەلٸ جٷدەۋ, بوپ-بوز جٷزٸن قان جٷگٸرٸپ بٸر جاساپ قالدى.
ويىن بالاسىنا ويىننان قالعاننان ٶتكەن قيىندىق جوق ەكەن.
ەرمەكتٸڭ ازاننان كەشكە دەيٸن تەلەديرادىڭ الدىندا تاڭىلىپ وتىرعانى ەكە-شەشەسٸنە قاتتى باتتى. مٸنە, ەكەسٸ دە كەلدٸ.
– ەكە, كٶتەرشٸ, بەلٸم اۋىردى, – دەدٸ جالىنىشتى ٷنمەن.
ەكەسٸ بالاسىن جايلاپ جوعارى كٶتەردٸ. راسىندا دا جاتا-جاتا جون ارقاس سٸرەسٸپ قالىپتى.
بەسٸكتەن بەلٸ شىقپاي جاتىپ تٶسەككە تاڭىلعان قانداي قيىن. اۋىرماسا قۇلىنشاقتاي قۇلدىراڭداپ شاپقىلاپ جٷرمەس پە. ەرمەكتٸڭ ساناسىندا «مەڭگٸلٸك وسىلاي جٷرە الماي قالسام قايتەدٸ» دەگەن سۋىق وي سۋماڭ ەتە قالدى. ول ٶز ويىنان قاتتى قورقىپ كەتتٸ.
مەكتەپكە بارماعانىنان دا 20 كٷنگە تاياپ قالدى.
ەرمەك وسىلاي ٶز ويىمەن وتىرعاندا سىرتقى ەسٸك اشىلدى. ەلجاس پەن سەۋٸربەك ەكەن. ەرمەكتٸڭ اۋرۋحانادان شىققانىن ەستٸپ كەلٸپتٸ. قولدارىندا قاعازعا وراعان تەتتٸلەرٸ بار.
ٷشەۋٸ ۇزاق وينادى. قايتاردا ەلجاس پەن سەۋٸربەك: «تەزٸرەك تەۋٸر بول!» دەپ قيماي قوشتاستى. ەكەسٸ سٷيەمەلدەپ, ەرمەك تۇرىپ تەرەزەدەن دالاعا قارادى.
ەلجاس پەن سەۋٸربەك ۇلپا قاردى تٸزەدەن كەشٸپ, شانا سىرعانايتىن تٶبەنٸڭ جانىنداعى بالالارعا قاراي كەتٸپ بارادى.
ارتتارىنا قايتا-قايتا قاراپ قويادى...
