ول ءۇشىن ەكى قالا تاڭدالعان. ءبىرى – الماتى وبلىسى، ەندى ءبىرى – اباي وبلىسىنا قاراستى كۋرچاتوۆ قالاسى. وسى سۇراقتى تالقىلاۋ ءۇشىن ءتۇرلى سالا ماماندارى الماتىدا باس قوستى. دوڭگەلەك ۇستەلگە قاتىسقان فيزيك، ەنەرگەتيك جانە ساراپشىلار مەن عالىمدار ويىن ايتتى.
«بۇل ماسەلە 2002 جىلى باستاۋ العان. سوڭعى ەكى جىلدىڭ ىشىندە كۇن تارتىبىندەگى وزەكتى ماسەلەگە اينالدى. سەبەبى سوڭعى جىلدارى ەلىمىزدە حالىق سانى ءوسىپ، ەكونوميكاسى وركەندەپ جاتقاندىقتان ەنەرگەتيكا رەسۋرستارىنىڭ تاپشىلىعى دا سەزىلە باستادى»، – دەدى الماتى وبلىستىق ەكولوگيا دەپارتامەنتىنىڭ باسشىسى قونىسبەك بايەدىلوۆ.
ال ەكولوگتار وندىرگىش كۇشتەردى سالۋ كەزىندە تابيعاتقا، ەكولوگيا مەن قورشاعان ورتاعا كەرى اسەر ەتپەۋ جاعىن باسشىلىققا الۋ كەرەگىن العا تارتى. قازاقستان اەس سالۋ بويىنشا الەم ەلدەرىنىڭ تاجىريبەسىنە دە جۇگىنگەن.
اتاپ ايتساق، فرانسيا، جۇڭگو، رەسەي جانە وڭتۇستىك كورەيا سىندى ەلدىڭ ۇسىنىس مەن كەمشىن تۇسىن ەسكەرەتىن بولادى.
«اتوم ەلەكتر ستانساسى كەرەك. ءبىراق ول قاي جەردە بولۋ كەرەك؟ بالقاش الاكول الابىندا سۋ رەسۋرستارى وتە تاپشى. قازىرگى كەزدە جەتپەي جاتىر. ول جەرگە ءبىز كەلەشەكتە اەس سالاتىن بولساق، ول بالقاش كولىنىڭ ءبىر بولىگىن السا، تابيعات قۇريدى، سۋ تاپشى بولادى»، – دەدى تەحنيكا عىلىمدارىنىڭ دوكتورى اۋەلبەك زاۋىربەك.
https://youtu.be/gEn0vbPK6qo
